Kafedrada 2020-2025 yillar davomida Rossiya, Xitoy, Koreya, Qirgʼiziston, Qozogʼiston kabi xorijiy davlatlarning tibbiyot universitetlari bilan, bundan tashqari Oʼzbekistondagi barcha tibbiyot oliygohlari bilan akademik mobillik aloqalari yoʼlga qoʼyilgan. Аkademik mobillik doirasida har yili chet ellik professorlar tomonidan talabalarimizga maʼruzalar va amaliy mashgʼulotlar oʼtiladi..

  Amerika , Rossiya , Qozog’iston,Turkiya, Qirg’iziston oliy o’quv yurtlari bilan bir qancha vebinarlar tashkil etildi.

  2021 yil 17.09. Belorussiya davlat texnologiya universiteti rektori professor Voytov I.V., V.A.Belogo nomidagi ilmiy tekshirish instituti direktori professor Grigoryev A.Ya., kimyo instituti direktori akademik Agabekov V.Ye. boshchiligidagi delegatsiya hamda I.A.Karimov nomidagi Toshkent davlat texnika universiteti qoshidagi “Fan va taraqqiyot” DUK korxonasi direktori professor N.S.Abedlar Samarqand davlat tibbiyot institutiga tashrif buyurishdi.Tashrif davomida kimyo meditsinaning asosiy fanlaridan biri ekanligini hisobga olgan holda institutlar oʻrtasida oʻzaro aloqalar oʻrnatildi.Kimyoni tibbiyotdagi, farmatsiyadagi oʻrni, vazifalari, Belorussiya ilmiy tekshirish institutlarida olib borilayotgan ilmiy ishlar yuzasidan davra suhbati olib borildi.Oʻzaro tajribalar almashish yuzasidan kelajak rejalari tuzildi.

  Universitetimiz tomonidan yaratib berilayotgan imkoniyatlardan foydalanib kafedramiz 2021-2025 yillar davomida I.P. Pavlov nomidagi 1-Sankt-Peterburg davlat tibbiyot universiteti tibbiy kimyo kafedrasi bilan akademik mobillik doirasida kuchli hamkorlik aloqalarini oʼrnatib kelmoqda. 2024-yil professor Semyonov K.N, professor Sharoyko V.V va kafedra mudiri professor D.K.Xolmurodovalar tomonidan Jahon banki tomonidan PRIM dasturi granti qoʼlga kiritildi.    Grant doirasida 2025-yil iyun-iyul oylarida kafedra xodimlari I.P. Pavlov nomidagi 1-Sankt-Peterburg davlat tibbiyot universitetida malaka oshirib qaytdilar.

SamDTU tibbiy kimyo kafedrasi va I.M.Sechenov nomidagi birinchi Moskva davlat tibbiyot universiteti o‘rtasida o‘zaro xamkorlik doirasida ko‘pgina ishlar amalga oshirildi. I.M.Sechenov nomidagi birinchi Moskva davlat tibbiyot universiteti kimyo kafedrasi professori I.A.Selivanova SamDTU tibbiy kimyo kafedrasiga tashrif buyurib talabalar uchun bir necha marta ochiq ma’ruza va seminarlar o‘tkazdi.

SamDTU tibbiy kimyo kafedrasi mudiri t.f.d Xolmurodova D.Q I.M.Sechenov nomidagi birinchi Moskva davlat tibbiyot universitetida malaka oshirdi va akademik mobillik doirasida ochiq ma’ruza, vebinarlar o‘tkazdi. Ikki universitet talabalari o‘rtasida qo’shma talabalar to’garagi tashkil etildi.

SamDTU tibbiy kimyo kafedrasiga Amerik Qo’shma shtatlaridan Nargiz Ruzmetova, Hakima Amri, Qirgizistondan Orozboyeva Jildizxan Ma’ripovna Ekatirenburgdan Lepeshkova Tat’yana Sergeevnava, Sankt Petrburgdan Turisin Vladimir Seergivich, Turkiyadan Serab Akugar tashrif buyurib, ular tomonidan SamDTU talabalari va kafedra o‘qituvchilari uchun master klasslar, ochiq darslar, ochiq maruzalar tashkil etildi.

2023-yil sentyabr oyida tibbiy kimyo kafedrasi mudiri prof.Xolmurodova D.K. Xitoyning Xinjiang universitetiga akademik mobillik doirasida tashrif buyurdi. Xinjiang universitetida o‘zaro darslar almashinuvi yo‘lga qo‘yildi. Farmatsiya yo‘nalishida xamkorlikda ilmiy ishlarni yo‘lga qo‘yish rejalari tasdiqlandi.

Share

• • Telegram
  • Facebook
  • Twitter
  • Linkedin
  • Vkontakte
  • Odnoklasniki
  • Whats App
  • Gmail