Lutfullaev G‘ayrat Umrillaevich
Kafedra mudiri t.f.d., dotsent
| Qabul vaqti: | Dushanba-Shanba: 09:00-15:00 |
| Tel: |
+998 (90) 505 00 95 |
| E-mail: | lutfullayev.gayrat@sammu.uz |
| Manzil: |
Samarqand shahri, Ankabay ko‘chasi, 6 uy |
KAFEDRA XODIMLARI
Xamraev Farid Xamidullaevich
Kafedra o‘qituvchisi, t.f.n.
| Dars o’tadigan fani: |
Otorinolaringologiya
|
| Tel: |
+998 (91) 531 24 32 |
| Dars o’tadigan kurslari: |
Safarova Nasiba Iskandarovna
Kafedra o‘qituvchisi, t.f.n.
|
Dars o’tadigan fani: |
Otorinolaringologiya |
|
Tel: |
+998 (91) 525 53 84 |
|
Dars o’tadigan kurslari: |
|
Qobilova Shahodat Shoкirovna
Кafedra o‘qituvchisi
Dars o’tadigan fani: | Otorinolaringologiya |
Tel: | +998 (90) 196 06 56 |
Dars o’tadigan kurslari: |
|
Ne’matov O‘кtam Suyunovich
Кafedra o‘qitуvchisi
Dars o’tadigan fani: | Otorinolaringologiya |
Tel: | +998 (90) 228 63 75 |
Dars o’tadigan kurslari: |
|
Lutfullaeva Gulnoza Umrilloevna
Kafedra assistenti, PhD
Dars o’tadigan fani: | Otorinolaringologiya |
Tel: | +998 (97) 910 17 07 |
Dars o’tadigan kurslari: |
KAFEDRA TARIXI
SamMI Diplomdan keyingi ta’lim fakultetining "Otorinolaringologiya" kafedrasi O‘zbekiston Respublikasi Sog‘liqni Saqlash Vazirligining, xamda SamMI rektorining № 98 - U buyrug‘iga asosan 2.05.96-y. Pediatriya fakulteti LOR kafedrasi qoshida "Otorinolaringologiya" kursi sifatida tashkil qilingan.
O‘zbekiston Respublikasi Sog‘likni Saklash Vazirligining 1997-y. 27 yanvardagi 36 raqamli buyrug‘ini bajarish yuzasidan, SamMI rektorining 7.07.1997 y №174-U buyrug‘iga asosan "Otorinolaringologiya" kursi SamMI Vrachlar malakasini oshirish fakultetida "Otorinolaringologiya" kafedrasi etib tashkil qilindi. 2005-yilda kafedra SamMI rektorinig 335-U buyrug‘iga asosan SamMI VMOF Otorinolaringologiya kafedrasi va stomatologiya kursi deb nomlandi. 23.03.2017-yil SamMI rektorinig 326-U buyrug‘iga asosan SamMI Diplomdan keyingi ta’lim fakulteti, xozirgi kunda SamDTU DKTF Otorinolaringologiya kafedrasi deb o‘zgartirildi.
Samarqand shaxrida LOR kasalliklari bo‘limi 1929-yil Respublika shifoxonasida tashkil qilingan. Bo‘lim 20 o‘ringa mo‘ljallangan edi. Bo‘lim mudiri vazifasiga A.V. Savelev tayinlangan. 1933-yil bo‘lim bazasida institutning LOR kasalliklari kafedrasi tashkil qilingan. Bo‘lim mudiri A.V. Savelevga professor ilmiy unvoni berilgan va u kafedra mudiri vazifasiga tayinlangan.
Aleksandr Vasilevich Savelev 1898-yil Rossiyaning Saratov guberniyasida tug‘ilgan. 1925-yil Saratov Davlat universiteti meditsina fakultetini tugatgan va 1930-yil Samarqand shaxriga kelgan.
Savelev A.V.
A.V.Savelev kafedraga 1933-1950-yillar mudirlik kilgan va bir vaqtning o‘zida 1935-1939-yillarda klinika bosh vrachi, xamda 1943-1945-yillar SamMI davolash fakulteti dekani vazifalarida ishlagan. A.V.Savelev «O‘zbekistonda xizmat ko‘rsatkan fan arbobi» faxriy unvoni bilan takdirlangan. U 1950-yildan Kursk meditsina instituti rektori va LOR kasalliklari kafedrasi mudiri lavozimlarida faoliyat ko‘rsatgan.
Chengeri S.K.
Stanislav Kazimerovich Chengeri 1898-yilda tug‘ilgan bo‘lib, u 1925-yilda Saratov universitetining meditsina fakultetini tugatgan. Samarqand shaxriga ko‘chib kelgandan so‘ng klinikada vrach-otorinolaringolog, bosh vrachning davolash ishlari bo‘yicha o‘rinbosari vazifasida ishlagan. S.K.Chengeri 1944-yilda nomzodlik dissertatsiyasini yoklagan va 1945-yilda unga dotsent ilmiy unvoni berilgan. S.K.Chengeri keyingi-yillarda SamMI "Otorinolaringologiya" kafedrasida dotsent vazifasida faoliyat ko‘rsatgan. Unga «O‘zbekistonda xizmat ko‘rsatgan vrach» faxriy unvoni berilgan.
Gorchakov V.A.
Veniamin Andreevich Gorchakov 1918-yil Rossiyaning xozirgi Volgograd viloyatida tug‘ilgan. 1940-yil Voronej meditsina institutini bitirgandan so‘ng xarbiy xizmatga chaqirildi. Ikkinchi jaxon urushi yillarida polk xarbiy vrachi sifatida janglarda qatnashib, ko‘rshovga tushadi va partizanlik xarakatida ishtirok etadi. Urush tugagach xarbiy xizmatni davom ettirib gospitallarda xarbiy vrach sifatida ishlagan.
V.A.Gorchakov 1951-1959-yillarda Turkmaniston meditsina instituti "Otorinolaringologiya" kafedrasida assistent, 1959-1970-yillar Kiev Quloq-tomog‘-burun kasalliklari ilmiy tekshirish institutida katta ilmiy xodim lavozimida ishlaydi. U 1969-yil doktorlik dissertatsiyasini yoklagan, 1970-yil professor unvonini olgan. Professor V.A.Gorchakov 1970-yil SamMI Otorinolaringologiya kafedrasi mudirligiga saylangan va 1981-yilgacha kafedra mudiri, 1981-1987-yillar ushbu kafedra professori vazifalarida ishlagan.
Sadrieva R.V.
Raisa Voxidovna Sadrieva 1918-yil Samarkand shaxrida tug‘ilgan. 1941-yil Samarqand meditsina institutini tugatgan. R.V. Sadrieva 1959-1964-y. ushbu kafedra dotsenti va 1964-1970-y. kafedra mudiri lavozimida samarali faoliyat ko‘rsatgan. Unga 1968-yilda «O‘zbekistonda xizmat ko‘rsatgan vrach» faxriy unvoni berilgan. Dotsent R.V.Sadrieva 1980 doktorlik dissertatsiya yoqlagan va unga professor unvoni berilgan. Professor R.V. Sadrieva 1981-1987-yillar kafedra mudiri, 1987-yildan so‘ng professor- konsultant vazifalarida ishlagan.
Nasretdinov T.X.
Taxsin Xamidovich Nasretdinov 1944-yil Samarqand viloyati Kattaqo‘rg‘on tumanida tug‘ilgan. 1966-yil SamMI davolash fakultetini tugatgan. 1968-1971-yillar Moskvada Markaziy Vrachlar malakasini oshirish instituti LOR – kasalliklari kafedrasida aspiranturada o‘qib, nomzodlik dissertatsiyasini yoqlagan. T.X. Nasreddinov 1972-1978-yillar SamMI "Otorinolaringologiya" kafedrasi assistenti vazifasida ishlaydi. U 1978-1980-yillardoktoranturada taxsil olgan. 1981-1983-yillar SamMI o‘quv ishlar prorektori lavozimida ishlagan. Doktorlik dissertatsiyasini yoklagandan so‘ng unga professor unvoni berilgan. Professor T.X.Nasreddinov institutning 2-klinikasida joylashgan davolash fakulteti LOR kasalliklari kafedrasi mudiri, ikki fakultetning kafedralari birlashtirilgandan so‘ng 1987-yildan to umrining oxirigacha 2008 y kafedra mudiri vazifasida ishlab kelgan.
Muminov A.I.
Akrom IbragimovichMuminov 1937-yilda Samarqand shaxrida tug‘ilgan. U 1961-yil ToshMI davolash fakultetini tugatgan. 1961-1965-yillarda SamMI klinikasida LOR kasalliklari kafedrasi assistenti va bir vaqtning o‘zida davolash fakulteti dekan o‘rinbosari vazifasida ishlagan. So‘ngra ToshMIga ishga o‘tib, nomzodlik va doktorlik dissertatsiyalarini yoqlagan. ToshMI LOR kasalliklari kafedrasida dotsent, kafedra mudiri vazifalarida ishlagan. Professor ilmiy unvonini olgan. A.I.Muminov bir vaqtning o‘zida davolash fakulteti dekani va keyinchalik o‘quv ishlari prorektori vazifasini bajargan. Professor A.I. Muminov 1991-yil Buxoro tibbiyot institutining tashkilotchilaridan biri bo‘lib, 1991-1995-yillarda institutning birinchi rektori bo‘lgan. 1995-yil Samarqandga ishga o‘tib, 1995-2000-yillarda SamMI rektori va bir vaqtning o‘zida LOR kafedrasi mudiri lavozimlarida ishlagan. Professor A.I.Muminov «O‘zbekistonda xizmat ko‘rsatgan fan arbobi» faxriy unvoni bilan taqdirlangan.
Lutfullaev U.L.
2001-yil kafedra mudiri vazifasiga t.f.d. U.L.Lutfullaev saylangan. Umrillo Lutfullaevich Lutfullaev 1943-yil Samarqand viloyati Urgut shaxrida tug‘ilgan. U 1967-yil SamMI davolash fakultetini tugatgan. O‘z vrachlik faoliyatini Urgut tumani markaziy shifoxonasida boshlagan. LOR vrachlik mutaxassisligini puxta egallab, tuman shifoxonasida LOR kasalliklari bo‘limini tashkil etib, unga mudirlik qilgan. U amaliy ish bilan bir vaqtda izlanuvchi sifatida 1978-y. Moskva shaxrida Vrachlar Malakasini Oshirish Markaziy instituti qoshidagi ixtisoslashgan ilmiy kengashda «Состояние верхних дыхателных путей, обонятелного и вестибулярного анализаторов и профилактика их нарушений у табаководов» mavzusida nomzodlik dissertatsiya yoqlagan. U.L.Lutfullaev Urgut tumani markaziy shifoxonasi bosh vrachi vazifasida ishlagan va o‘z ilmiy ishlarini davom ettirib, 1988-yilda Kiev shaxrida Kolomiychenko nomidagi Quloq, tomoq va burun ilmiy tekshirish instituti qoshida «Сосудистые опухоли ЛОР органов (клиника, диагностика, лечение)» mavsusida doktorlik dissertatsiya yoqlagan. 1989- 2013-y. SamMI Vrachlar malakasini oshirish fakulteti "Otorinolaringologiya" kafedrasi mudiri vazifasida ishlab kelgan.
Lutfullaev G.U.
2013-yil sentabr oyidan xozirgi vaqtgacha t.f.d. G‘.U.Lutfullaev kafedra mudiri vazifasida faoliyat ko‘rsatib kelmoqda. Lutfullaev G‘ayrat Umrillоevich 1975-yil Samarqand viloyati Urgut shaxrida tug‘ilgan. 1992-yilda Samarqand davlat tibbiyot institutiga o‘qishga kirgan. 1998-y. Samarqand davlat tibbiyot instituti davolash fakultetini va 2000-y. klinik ordinaturani muvaffaqiyatli tugatgan. G‘.U. Lutfullaev 2000-yil aspiranturaga kirib, o‘z ilmiy faoliyatini boshladi. 2004-y. «Клиника, диагностика и лечение доброкачественных опухолей носа и придаточных пазуx» mavzusida professor A.M. Xakimov raxbarligida nomzodlik va 2012-y. «Диагностика и лечение доброкачественных опухолей глотки» mavzusida professor S.S. Arifov raxbarligida doktorlik dissertatsiyalari ximoya qilgan.
2020 yildan boshlab Davolash fakulteti dekani lavozimida xam faoliyat ko‘rsatib kelmoqda.
Lutfullaev G.U. 300 dan ortiq ilmiy ishlar, jumladan 1 ta darslik, 7 ta monografiya, 8 ta o‘quv qo‘llanma muallifi hisoblanadi. Uning rahbarligida tibbiyot fanlari bo‘yicha falsafa doktori (PhD) ilmiy darajasini olish uchun 4 ta dissertatsiya himoya qilingan.
KAFERDANI MA’NAVIYAT-MA’RIFAT ISHLARI
Kursantlar va bo‘lajak mutaxassislarning bo‘sh vaqtlarini mazmunli o‘tkazish madaniy-ma’rifiy ishlar orqali ham amalga oshiriladi. Kafedra faoliyatining asosiy yo‘nalishlaridan biri – yuksak ma’naviy qadriyatlarni shakllantirish, kasbiy faoliyatga qiziqishni tarbiyalash, sog‘lom turmush tarziga ehtiyojni kuchaytirish, talabalarning universitet madaniy-ma’rifiy tadbirlarida ishtirokini ta’minlashdir. Ushbu vazifalarni amalga oshirish maqsadida guruhlarga tajribali pedagoglardan kurator biriktirilgan. Kuratorlar rahbarligida kursantlar ijtimoiy tadbirlarda faol ishtirok etadi, madaniy hordiqni tashkil etadi, Samarqand shahridagi tarixiy yodgorliklar va diqqatga sazovor joylar, teatrlar va muzeylarga tashrif buyuradi.
Jismoniy tarbiya va sportga alohida e’tibor qaratilgan. Magistratura talabalari va klinik ordinatorlar universitet sport majmuasi bazasida faoliyat yuritayotgan tennis, shaxmat, futbol, basketbol, voleybol, milliy kurash, sharq yakkakurashlari, yengil atletika bo‘yicha sport to‘garaklariga muntazam qatnashib kelmoqda. Ular nafaqat mintaqaviy, balki Respublika sport musobaqalarida ham faol ishtirok etmoqda.
Sharq donoligida aytilganidek: «Ta’limni tarbiyadan, tarbiyani esa ta’limdan ajratib bo‘lmaydi». Fakultetda har yili 200 dan ortiq mutaxassislar malaka oshiradi.
Ma’naviy-ma’rifiy ishlar tasdiqlangan reja asosida olib boriladi. Ushbu reja doirasida tarixiy sanalarga, milliy bayramlarga, sport musobaqalariga va boshqa tadbirlarga bag‘ishlangan turli tadbirlar tashkil etiladi. Shuningdek, kafedra xodimlari universitet yotoqxonasida talabalar uchun shaxmat va shashka turnirlari, turli tanlovlar kabi madaniy hordiq tadbirlarini uyushtiradilar.
Har bir kurator ish rejasi asosida kuratorlik guruhi bilan turli tadbirlar o‘tkazadi. O‘tkazilgan tadbirlar aks ettirilgan video va fotolavxalar mavjud va ijtimoiy tarmoqlarda keng yoritilib kelmoqda. Har payshanba mashg‘ulotlar «Axborot soati» materiallari bilan tanishishdan boshlanadi. Shuningdek, kafedra xodimlari faol ravishda mahallalarga, maktablarga, tashkilotlarga boradilar. Joylarda aholiga sog‘lom turmush tarzi, LOR a’zolari kasalliklarini oldini olish va ularga yordam ko‘rsatishga bag‘ishlangan suhbatlar o‘tkazadilar.
Kafedra faoliyatining asosiy maqsadi – sog‘liqni saqlash tizimi mutaxassislarini ta’lim dasturlari asosida malakasini oshirish, bilim va amaliy ko‘nikmalarini takomillashtirish.
Kafedra vazifalari:
- LOR kasalliklarini erta tashxislash, birlamchi va ikkilamchi profilaktik tadbirlarni amalga oshirish, bilim va ko‘nikmalarni shakllantirish;
- LOR kasalliklarni zamonaviy tekshirish usullari natijalariga asoslangan xolda, tashxislash standartlarini o‘zlashtirish;
- LOR kasalliklar bo‘yicha klinik amaliy ko‘nikmalarni yangilash va chuqurlashtirish;
- Zamonaviy laborator va instrumental tekshiruvlar natijalarini interpretatsiya qilishni o‘zlashtirish;
- Davolash standartlari bo‘yicha bemorni olib borish dasturini tuzish;
- Aholi o‘rtasida tibbiy madaniyatni oshirish, sog‘lom turmush tarzini shakllantirish, profilaktik chora tadbirlarni amalga oshirish orqali ko‘p tarqalgan kasalliklarni oldini olish, sog‘lom aholi o‘rtasida skrining va bemorlarni dispanser kuzatuvini olib borishni tashkillashtirish va o‘rgatish;
- Tibbiyot xodimlarida hayotiy va ilmiy tassavvurni shakllantirishda milliy-ma’naviy qadriyatlarimizni insonparvarlik mohiyatini ko‘rsatish.
Diplomdan keyingi ta’lim Fakulteti otorinolaringologiya kafedrasida O‘zbekiston Respublikasini quyidagi viloyatlaridan kelgan otorinolaringolog mutaxassislar va boshqa soha mutaxassislari malaka oshiradilar: Samarqand, Jizzax, Surxandaryo, Qashqadaryo, Navoiy, Buxoro.
Kafedrada yuqori malakali otorinolaringolog mutaxassislari tayyorlanadi: magistr va klinik ordinatorlar.
Kursantlar on-line konferensiyada
Kafedrada o‘quv-uslubiy ishlar O‘zbekiston Respublikasining o‘quv-uslubiy hujjatlariga muvofiq tashkil etilgan.
O’qitish har bir sikl va fakultet uchun quyidagi tasdiqlangan hujjatlar bo’yicha olib boriladi:
- Kvalifikatsion xarakteristika;
- Davlat standarti;
- O’quv reja;
- O’quv dasturi;
Kursantlar dars vaqtida
Kafedra xodimlari tomonidan quyidagi malaka oshirish dasturlari tayyorlandi va tasdiqlandi:
- «LOR kasalliklarini xozirgi zamon diagnostikasi va davolash usullari” 144 kredit
- «Yuqori nafas yo‘llari kasalliklarida tez tibbiy yordam” 144 kredit
- “Otorinolaringologiya” 144 kredit
- “Yuqori nafas yo‘llari kasalliklarini poliklinika va ambulatoriya sharoitida diagnostikasi va davolash usullari” 72 kredit
- “Otorinolaringologiyada shoshilinch xolatlar” 72 kredit
- “LOR onkologiya” asoslari” 72 kredit
- “Klinik audiologiya” 72 kredit
- “Tibbiy foniatriya” 36 kredit.
Shuningdek, “Otorinolaringologiya” yo‘nalishi bo‘yicha 6 va 9 oylik ixtisoslashtirish dasturlari hamda 3,5 oylik mutaxassislikni tiklash dasturi tasdiqlangan. Ushbu mavzuli yo‘nalishlar bo‘yicha shifokorlarning malakasini oshirish va ixtisoslashuv sikllari olib boriladi. Kafedrada reja asosida integral ma’ruza va amaliy mashg‘ulotlarni o‘tkazish yo‘lga qo‘yilgan.
ILMIY-TADQIQOT ISHLARI
Kafedrada 6 xodim ilmiy faoliyat olib bormoqda. Ulardan 1 nafari tibbiyot fanlari doktori, Lutfullaev G‘.U., 2 nafari tibbiyot fanlari nomzodi, dotsentlar Xamraev F.X., Safarova N.I., 3 nafari PhD Qobilova Sh.Sh., Ne’matov O‘.S., Lutfullaeva G.U. Kafedrani ilmiy saloxiyati 100%.
Oxirgi 3 yil ichida 4 dissertatsiya ximoya qilindi. 2022 yilda Qobilova Sh.Sh. t.f.d. Lutfullaev G‘.U. rahbarligida «Burun, burun yon bo‘shliqlari va burun-halqum xavfsiz o‘smalarida ekssudativ otitni tashxislash va davolashni takomillashtirish» mavzusidagi dissertatsiyasini muvaffaqiyatli himoya qildi.
Sh.Sh.Qobilovaning dissertatsiya himoyasi
2023 yilda Ne’matov O‘.S. «Burun bo‘shlig‘i xavfsiz qon tomir xosilalari diagnostikasi va davolash usullarini takomillashtirish» mavzusidagi dissertatsiyasini muvaffaqiyatli himoya qildi.
O‘.S. Ne’matovning dissertatsiya himoyasi
Shu yilda kafedra mustaqil izlanuvchisi Bekmurodov M.A. «Burundan qon ketishlarni diagnostikasi va davolash usullarini takomillashtirish» nomli dissertatsiyani xam muvaffaqiyatli himoya qildi. Ilmiy rahbar t.f.d., professor Lutfullaev G‘.U.
2024 yilda Fayzullaev D.Sh. «O‘tkir va surunkali yiringli sinusitlarni davolashni takomillashtirishda nitroksidermatik tizim ko‘rsatkichlarining ahamiyati» mavzusida dissertatsiyasini muvaffaqiyatli himoya qildi. Ilmiy rahbar – t.f.d. Lutfullaev G.U.
Hozirgi vaqtda kafedrada faol ilmiy ishlar olib borilmoqda: Ruziyev J.B., Yunusova N.A. PhD ilmiy darajasini olish uchun dissertatsiya ishlarini yakunlamoqda. Fayzullaev A.I., Soatmurodova N.B. dissertatsiya mavzulari tasdiqlandi.
Kafedrani ilmiy yo‘nalishi:
- LOR a’zolarini onkologik kasalliklari
- Burun va burun yondosh bo‘shliqlari kasalliklarini klinikasi, diagnostikasi va zamonaviy davolash usullari
- Quloqni yiringli va yiringsiz kasalliklari
Kafedra xodimlari ilmiy tadqiqot ishlari pedagogik kadrlarni tayorlash va amaliy sog‘liqni saqlash talablariga binoan olib borilib, xozirgi vaqtda fan va texnika rivojlanishi davlat dasturlari asosida muammolarni echishga qaratilgan.
XALQARO HAMKORLIK ALOQALARI
Samarkand davlat tibbiyot universitetining internatsionalistik vazifalari universitetni rivojlantirish konsepsiyasiga asoslangan bo‘lib, xalqaro ta’limdagi o‘rnini mustahkamlashga qaratilgandir.
Internatsionalizmning asosiy afzalliklari xorijdan kelayotgan talabalar sonining ortishi, xorijiy oliy ta’lim muassasalari va ilmiy-tadqiqot markazlari bilan hamkorlikda loyihalar ishlab chiqish, xorijiy ta’lim muassasalaridan tadqiqotchilar va o‘qituvchilar sonining ko‘payishi, xorijiy oliy ta’lim muassasalari bilan qo‘shma dasturlar sonining ortishi, ikki diplom berish imkoniyatini ta’minlaydigan ta’lim dasturlarini tasdiqlashdan iboratdir.
Samarkand davlat tibbiyot universiteti tenglik tamoyili asosida ta’lim va fan sohasida xalqaro hamkorlik ishtirokchilari bo‘lgan 60 dan ortiq davlat va xalqaro tashkilotlar, xorijiy universitetlar hamda ilmiy-tadqiqot markazlari bilan aloqalarni jadal rivojlantirmoqda. Yevropa, Osiyo, Shimoliy Amerika va MDH universitetlari bilan qo‘shma dasturlar va ta’limiy mobillikka asoslangan hamkorlik aloqalari o‘rnatilgan.
Har yili SamDTUga hamkorlik aloqalarini yo‘lga qo‘yish, ta’lim olish, malaka oshirish, ilmiy anjumanlarda ishtirok etish maqsadida xorijdan keluvchi yuqori malakali mutaxassislar, o‘qituvchilar, talabalar va ilmiy xodimlar soni ortib bormoqda.
SamDTU butun dunyo bo‘ylab ta’lim va ilmiy markazlar, universitetlar hamda jamoat tashkilotlari bilan aloqalarni o‘rnatmoqda, universitet eshiklari esa xorijiy abituriyentlar, talabalar, tadqiqotchilar va o‘qituvchilar uchun ochiqdir.
Hamkorlik geografiyasi: kafedra yaqin va uzoq xorijdagi 10 dan ortiq oliy ta’lim muassasalari va ilmiy-tadqiqot markazlari bilan hamkorlik va kooperatsion aloqalarga ega:
- Yevropa mamlakatlaridagi hamkorlar,
- Nagoya davlat tibbiyot universiteti (Yaponiya),
- Ivano-Frankovsk milliy tibbiyot universiteti (Ukraina),
- Dog‘iston davlat tibbiyot universiteti (Rossiya),
- Abu Ali ibn Sino nomidagi Tojikiston davlat tibbiyot universiteti
- Samara davlat tibbiyot universiteti.
Kafedra xodimlari akademik mobillik doirasida yetakchi tibbiyot muassasalariga tashrif buyurib, xorijiy hamkasblari bilan tajriba almashmoqdalar.
Kafedra xodimlari yillik reja asosida texnikum va litseylarga yordam ko‘rsatadilar: ma’ruzalar va master-klasslar o‘tkaziladi.
