Yosh avlodga gʻamxoʻrlik qilish, sogʻlom va barkamol shaxsni tarbiyalashga intilish oʻzbek xalqi milliy xarakterining ajralmas xususiyatlaridan biridir. Shu bois maʼnaviy-maʼrifiy ishlar Nurli diagnostika va terapiya kafedrasi faoliyatining eng muhim yoʻnalishlaridan hisoblanadi.

  Kafedrada bu boradagi ishlar har oʻquv yili boshida tasdiqlanadigan istiqbolli va oylik rejalar asosida tizimli hamda uzluksiz olib boriladi. Maʼnaviy-maʼrifiy ishlarni masʼul oʻqituvchi Raxmatov I.S.  muvofiqlashtiradi va tashkil etadi. Faoliyat fakultet dekanati hamda universitetning yoshlar bilan ishlash va maʼnaviy-maʼrifiy ishlar boʻlimi bilan hamkorlikda amalga oshiriladi.

  Maqsad va vazifalar

• Talabalarda milliy va umuminsoniy qadriyatlarga hurmat, Vatanga sadoqat hamda fuqarolik masʼuliyati tuygʻusini shakllantirish.
  
• Taʼlim jarayonini tarbiya bilan uzviy bogʻlash, har bir mashgʻulotning tarbiyaviy salohiyatidan foydalanish.
• Yoshlarni gʻoyaviy va mafkuraviy tahdidlardan himoyalash, ularda mustaqil va tanqidiy fikrlash koʻnikmasini rivojlantirish.
• Talabalarning huquqiy, siyosiy, ekologik va axborot madaniyatini oshirish.
• Sogʻlom turmush tarzini targʻib qilish va talabalarning boʻsh vaqtini mazmunli tashkil etish.

  Asosiy yoʻnalishlar

  Kafedra professor-oʻqituvchilari talabalar oʻrtasida quyidagi yoʻnalishlarda ish olib boradi:

• Oʻzbekiston Respublikasi Prezidenti Sh. M. Mirziyoyevning asarlari, maʼruza va nutqlari, Oliy Majlis qarorlari hamda Vazirlar Mahkamasining qaror va farmoyishlarini oʻrganish va targʻib qilish.
• Respublikada amalga oshirilayotgan bunyodkorlik islohotlari mohiyatini va natijalarini talabalarga yetkazish.
• Talabalar oʻrtasida sogʻlom turmush tarzi falsafasini shakllantirish.
• Talabalarning siyosiy va huquqiy madaniyatini oshirish.
• Dunyoda va mamlakatda kechayotgan ijtimoiy, siyosiy va madaniy voqealar haqida talabalarni oʻz vaqtida xabardor qilib borish.
• Talabalar oʻrtasida sogʻlom maʼnaviy muhitni qaror toptirish, nizolar va salbiy holatlarning oldini olish.
• Taʼlim muassasasining yoʻnalishi va ixtisosligiga mos ravishda toʻgaraklar tashkil etish, talabalarning boʻsh vaqtini samarali tashkil qilish.
• Korrupsiyaga qarshi murosasiz munosabatni va akademik halollik tamoyillarini singdirish.
• Oila instituti, xotin-qizlar va yoshlar masalalari boʻyicha maʼrifiy suhbatlar tashkil etish.
• Ish shakllari
• «Maʼnaviyat soati» mashgʻulotlari va guruh kuratorlari bilan olib boriladigan kurator soatlari.
• Davra suhbatlari, munozara va debatlar, maʼnaviy-maʼrifiy uchrashuvlar.
• Fan, madaniyat va sanʼat arboblari, faxriylar hamda soha yetakchi mutaxassislari bilan uchrashuvlar.
• Muzeylar, tarixiy va madaniy yodgorliklarga maʼrifiy sayohatlar.
• Kitobxonlik tanlovlari, sheʼriyat kechalari, koʻrgazmalar, viktorina va intellektual oʻyinlar.
• Kafedra axborot burchagi va ijtimoiy tarmoqlar orqali targʻibot ishlari.
• Talabalar turar joyiga tashriflar, ijtimoiy himoyaga muhtoj talabalar bilan individual ishlash.

  Anʼanaviy tadbirlar taqvimi

• 1-sentabr — Mustaqillik kuni; 2-sentabr — Bilimlar kuni tadbirlari.
• 1-oktabr — Ustoz va murabbiylar kuni.
• 21-oktabr — Oʻzbek tili bayrami kuni.
• 8-dekabr — Oʻzbekiston Respublikasi Konstitutsiyasi kuni.
• 14-yanvar — Vatan himoyachilari kuni.
• 8-mart — Xalqaro xotin-qizlar kuni.
• 21-mart — Navroʻz umumxalq bayrami.
• 9-may — Xotira va qadrlash kuni.
• 30-iyun — Yoshlar kuni.

  Natijalar

  Kafedrada olib borilayotgan maʼnaviy-maʼrifiy ishlar natijasida talabalarda mustaqil fikrlash, milliy oʻzlikni anglash, kasbiy masʼuliyat, jamoada ishlash va ijtimoiy faollik koʻnikmalari shakllanmoqda. Talabalar universitet, shahar va respublika miqyosidagi maʼnaviy-maʼrifiy tanlov hamda tadbirlarda faol ishtirok etib kelmoqda.