Yuqumli kasalliklar kafedrasi ta’lim, ilmiy-tadqiqot va klinik faoliyatni integratsiyalashgan holda olib boruvchi akademik bo‘linma hisoblanadi. 2025–2026 o‘quv yili holatiga ko‘ra kafedrada jami 25 nafar professor-o‘qituvchi va ilmiy xodim faoliyat yuritadi. Shundan:

• 3 nafari – tibbiyot fanlari doktori (DSc), professor;
• 7 nafari – tibbiyot fanlari nomzodi (PhD yoki fan nomzodi);
• 8 nafari – ilmiy darajaga ega bo‘lmagan professor-o‘qituvchilar;
• 4 nafari – tashqi o‘rindosh;
• 3 nafari – ichki o‘rindosh xodimlardir.

  Kafedra professor-o‘qituvchilarining 55 foizi ilmiy darajaga ega bo‘lib, bu kafedraning ilmiy salohiyati va ilmiy-pedagogik faoliyatni samarali amalga oshirish imkoniyatini ta’minlaydi.

  Ilmiy-tadqiqot yo‘nalishlari

  Kafedrada ilmiy izlanishlar sog‘liqni saqlashning ustuvor yo‘nalishlari hamda zamonaviy infeksion patologiyalarning dolzarb muammolariga qaratilgan. Asosiy ilmiy yo‘nalishlar quyidagilarni o‘z ichiga oladi:

1. Yuqori isitma bilan kechuvchi yuqumli kasalliklarning erta diagnostikasi va differensial tashxisi.
2. Diareya sindromi bilan kechuvchi yuqumli kasalliklarning klinik-laborator diagnostikasi.
3. OIV infeksiyasining erta diagnostikasi hamda opportunistik kasalliklarning klinik xususiyatlari.
4. Yuqumli kasalliklarga chalingan bemorlarni tibbiy reabilitatsiya qilishning tashkiliy va klinik jihatlari.
5. Yuqumli kasalliklar profilaktikasida immunoprofilaktika va vaksinatsiya samaradorligini baholash.
6. Fertil yoshdagi ayollarda brutsellyozning klinik-immunologik kechish xususiyatlari.
7. Yuqumli kasalliklarda metabolik buzilishlarning patogenetik mexanizmlari.

  Ilmiy daraja olish bo‘yicha dissertatsiya ishlari

  Doktorlik (DSc) dissertatsiyasi

  2025–2026 o‘quv yilida kafedrada quyidagi doktorlik dissertatsiyasi himoyalandi:

  Ergasheva M.Ya.

  14.00.12 – Tibbiy reabilitologiya ixtisosligi bo‘yicha tibbiyot fanlari doktori (DSc) ilmiy darajasini olish uchun:

  "Bolalarda nogironlikning tibbiy-ijtimoiy jihatlari va nogiron bolalarni reabilitatsiya qilishni takomillashtirish"

  Ilmiy rahbarlar:

• J.A. Rizayev – tibbiyot fanlari doktori, professor;
• N.A. Yarmuxamedova – DSc, dotsent.

  Himoya va yakunlash bosqichidagi dissertatsiyalar

  Kafedrada ilmiy kadrlar tayyorlash tizimi izchil yo‘lga qo‘yilgan bo‘lib, bir qator dissertatsiyalar turli yakuniy bosqichlarda olib borilmoqda.

• Shodiyeva D.A. — "Влияние иммуногенетических факторов на прогрессирование ВИЧ-инфекции" mavzusidagi PhD dissertatsiyasi (14.00.36 – Allergologiya va immunologiya; 14.00.10 – Yuqumli kasalliklar) muvaffaqiyatli himoya qilingan.
• Rabbimova N.T. — "Pnevmokokk infeksiyasi bilan kasallangan bemorlar reabilitatsiyasini tashkillashtirish" mavzusidagi DSc dissertatsiyasi ilmiy seminar bosqichiga tayyorlanmoqda.
• Djurayeva K.S. — "Некоторые клинико-иммунологические аспекты течения бруцеллёза у женщин фертильного возраста" mavzusidagi dissertatsiya himoyaga tayyorlanmoqda.
• Uzakova G.Z. — "Eksperimental metabolik sindromda timus va ingichka ichak immun tuzilmalarining morfofunksional va reaktiv o‘zgarishlari" mavzusidagi dissertatsiya ilmiy seminar bosqichiga tayyorlanmoqda.

  Tasdiqlangan ilmiy mavzular

• Yakubova N.S. — "Клинико-эпидемиологические аспекты риккетсиозов в Узбекистане" mavzusidagi dissertatsiya bo‘yicha xulosa qismi yakunlanish bosqichida.
• Djumayeva N.S. — "Клинико-лабораторные предикторы течения и исходов менингоэнцефалитов у детей" mavzusidagi dissertatsiya bo‘yicha yakuniy ilmiy natijalar rasmiylashtirilmoqda.

  Ilmiy mahsuldorlik (so‘nggi 3 yil)

  So‘nggi uch yil davomida kafedra professor-o‘qituvchilari ilmiy faoliyatda barqaror natijalarga erishgan. Jumladan:

  Mazkur ko‘rsatkichlar kafedrada ilmiy faoliyatning barqaror rivojlanayotganligini hamda ilmiy natijalarning ta’lim va amaliyot bilan integratsiyasini namoyon etadi.

  O‘quv adabiyotlari

  Kafedra professor-o‘qituvchilari tomonidan o‘zbek va ingliz tillarida zamonaviy ta’lim talablariga mos 17 ta o‘quv qo‘llanma va 4 ta darslik nashr etilgan. Mazkur adabiyotlar bakalavriat, magistratura va uzluksiz tibbiy ta’lim jarayonida foydalanilmoqda hamda talabalarning mustaqil ta’limini qo‘llab-quvvatlashga xizmat qiladi.

  O‘quv qo‘llanmalarining asosiy yo‘nalishlari quyidagilarni qamrab oladi:

• Epidemiologiya asoslari;
• OIV infeksiyasi va OIV bilan bog‘liq kasalliklar;
• Yuqori xavfli infeksiyalar;
• O‘tkir ichak infeksiyalari;
• Virusli gepatitlar;
• Neyroinfeksiyalar;
• Gerpesvirusli infeksiyalar;
• Havo-tomchi va transmissiv infeksiyalar;
• Ekzantema sindromi bilan kechuvchi yuqumli kasalliklar;
• Bakterial infeksiyalar va boshqa dolzarb yo‘nalishlar.

  Shuningdek, kafedra tomonidan "Yuqumli kasalliklar", "Parazitar kasalliklar", "Yuqumli kasalliklar. Ftiziatriya" kabi bazaviy darsliklar nashr etilgan bo‘lib, ular tibbiyot oliy ta’lim muassasalari o‘quv jarayonida keng qo‘llanilmoqda.