Yuqumli kasalliklar kafedrasida 4, 5, 6-kurs pediatriya talabalari tahsil oladilar. Shuningdek, 5, 6-kurs davolash ishi talabalari ham o‘qitiladi. 4-kurs tibbiy profilaktika yo‘nalishi talabalari ham kafedrada ta’lim oladilar. 4-kurs stomatologiya yo‘nalishi talabalari uchun ham mashg‘ulotlar tashkil etilgan. 3-kurs oliy hamshiralik ishi yo‘nalishi talabalari ham kafedrada tahsil olishadi. 3-kurs tibbiy biologiya yo‘nalishi talabalari uchun ham o‘quv mashg‘ulotlari olib boriladi. 4-kurs xalq tabobati yo‘nalishi talabalari ham kafedrada o‘qitiladi. Xorijiy ta’lim yo’nalishida 5-6 kurs davolash ishi yo‘nalishida tahsil olayotgan horijiy davlatlar fuqarolari ham o‘quv jarayoniga jalb etilgan.

  Talabalar tegishli o‘quv dasturlari asosida bilim va amaliy ko‘nikmalarni egallaydilar. «Yuqumli kasalliklar», «Bolalar yuqumli kasalliklari», «Tropik tibbiyot», «Yuqumli kasalliklar, epidemiologiya» fani ham o‘quv dasturiga kiritilgan bo’lib, ushbu fanlar asosida nazariy va amaliy mashg‘ulotlar tashkil qilinadi.

  Kafedrada magistratura yo‘nalishi bo‘yicha yuqori malakali mutaxassislar tayyorlanadi. Shuningdek, klinik ordinatura yo‘nalishida ham mutaxassislar tayyorlash yo‘lga qo‘yilgan. Magistratura va klinik ordinaturada «Yuqumli kasalliklar» hamda «Bolalar yuqumli kasalliklari» mutaxassisligi bo‘yicha ta’lim mashg‘ulotlari olib boriladi. Mazkur yo‘nalishlarda nazariy bilimlar bilan bir qatorda amaliy ko‘nikmalar ham shakllantiriladi. Magistr va klinik ordinatorlarning bilim va ko‘nikmalari o‘quv yili davomida muntazam rivojlantiriladi. Ularning mutaxassislik bo‘yicha tayyorgarligi kafedra professor-o‘qituvchilari ishtirokida olib boriladi. O‘quv jarayonida shifoxona shifokorlari ham faol hamkorlik qiladilar.

  Kafedra boshqa tibbiyot oliy ta’lim muassasalari professor-o‘qituvchilari bilan ham hamkorlik qiladi. Hamkorlik doirasida mutaxassislikka oid zamonaviy ma’lumotlar muntazam ravishda almashib boriladi. O‘qitish jarayoni har bir kurs va fakultet uchun tasdiqlangan hujjatlar asosida tashkil etiladi. Ta’lim jarayonida, avvalo, kvalifikatsion xarakteristika talablari inobatga olinadi. Shuningdek, davlat ta’lim standarti asosiy me’yoriy hujjatlardan biri hisoblanadi. O‘quv dasturlari asosida fanlarni o‘zlashtirish jarayoni amalga oshiriladi. Har bir fan bo‘yicha o‘quv ishchi dasturlari ham ishlab chiqilgan. Ta’lim jarayonida zamonaviy ta’lim texnologiyalaridan keng foydalaniladi. O‘qitish mazmuniga O‘zbekiston Respublikasi SSV tomonidan ishlab chiqilgan buyruqlarga muvofiq kiritilgan o‘zgartirishlar ham tatbiq etiladi. Mashg‘ulotlarda tasdiqlangan tashxis standartlaridan foydalaniladi. Shuningdek, amaldagi tasdiqlangan davolash standartlari ham o‘quv jarayonida qo‘llaniladi. Xalqaro miqyosda qabul qilingan tavsiyalar ham ta’lim mazmuniga kiritilgan. Zamonaviy pedagogik yondashuvlardan grafik organayzerlardan foydalanish yo‘lga qo‘yilgan. Keys texnologiyasi orqali talabalarni klinik fikrlashga yo‘naltirishga e’tibor qaratiladi. Loyiha usuli ham o‘quv mashg‘ulotlarining samaradorligini oshirish maqsadida qo‘llaniladi. Kafedrada ta’lim jarayonini olib borish uchun zarur texnik vositalar bilan ta’minlangan. O‘quv jarayonini tashkil etishda zamonaviy telekommunikatsion tizimdan foydalaniladi. Mavzularga tegishli videofilmlar mashg‘ulotlar davomida talabalarga namoyish etiladi. Prezentatsiyalar va multimedia dasturlari ham o‘quv jarayonida muntazam qo‘llaniladi. Ma’ruza va amaliy mashg‘ulotlar markaziy kompyuterga ulangan televizorlar orqali yoritib beriladi. O‘quv dasturining barcha bo‘limlarini qamrab oluvchi yagona skanerlangan tasvirlar banki shakllantirilgan. Mazkur tasvirlar banki unifikatsiyalangan o‘qitish jarayonini tashkil etishga xizmat qiladi. Kafedrada o‘quv adabiyotlaridan foydalanish uchun alohida kutubxona faoliyat yuritadi. Kutubxonada ingliz, o‘zbek va rus tillarida 100 dan ortiq o‘quv adabiyotlari mavjud. Elektron kutubxona tarkibida darsliklar va atlaslar ham o‘rin olgan. Unda o‘quv qo‘llanmalar hamda o‘quv-uslubiy materiallar ham jamlangan. Kafedra kutubxonasi fondi har yili muntazam ravishda yangi adabiyotlar bilan boyitib boriladi. Kafedra xodimlari boshqa tibbiyot oliygohlari, kollej va texnikumlar bilan hamkorlik qiladilar. Ushbu hamkorlik asosida o‘quv qo‘llanmalar va o‘quv-uslubiy qo‘llanmalar tayyorlanadi. Shuningdek, mutaxassislikka oid monografiyalar ham hamkorlikda yaratiladi. Talabalarning amaliy tayyorgarligini oshirish maqsadida bemorlar ustida ishlash imkoniyati yaratilgan. Bemorlarni klinik tekshirish orqali kasalliklarga dastlabki va differensial tashxis qo‘yish ko‘nikmalari shakllantiriladi. Instrumental tekshiruvlardan UTT va fibroskan usullari amaliyotda qo‘llaniladi. Umumiy va biokimyoviy tahlillar yordamida bemorlarning holati baholanadi. Bakteriologik va serologik tekshiruvlar orqali yuqumli kasalliklarni aniqlash amaliyoti yo‘lga qo‘yilgan. Kultural tekshiruvlar, IFA va PZR usullari yordamida tashxisni tasdiqlash ko‘nikmalari shakllantiriladi.