Kafedrada o‘quv va o‘quv-uslubiy faoliyat bilan bir qatorda ilmiy-tadqiqot ishlari ham muntazam olib borilmoqda. Bugungi kunda kafedraning ilmiy salohiyati 50 foizni tashkil etadi.

  Kafedraning ilmiy-tadqiqot yo‘nalishlari bolalar xirurgiyasining dolzarb ilmiy muammolarini qamrab olgan bo‘lib, tug‘ma nuqsonlar va orttirilgan xirurgik kasalliklarning erta diagnostikasi, davolash va jarrohlik taktikasini takomillashtirishga qaratilgan.

1-son Bolalar xirurgiyasi kafedrasining asosiy ilmiy yo‘nalishlari

• Bolalarda gemangiomalarni diagnostika qilish va davolash usullarini takomillashtirish.
• Katta yoshdagi bolalarda suyaklarning o‘tkir yiringli-yallig‘lanish kasalliklarini davolash usullarini takomillashtirish.
• Surunkali gematogen osteomiyelitni tashxislash va davolashning zamonaviy usullarini ishlab chiqish.
• Bolalarda exinokokkoz kasalligini diagnostika qilish va davolashning yangi usullarini ishlab chiqish.
• Bolalarda peritonitni davolash jarayonida qorin bo‘shlig‘idagi asoratlarni erta diagnostika qilish va ularni jarrohlik yo‘li bilan davolashni takomillashtirish.
• Bolalarda anorektal nuqsonlarni davolash natijalarini takomillashtirish.
• Chaqaloqlarda urug‘ tizimchasi kistasini diagnostika qilish va davolash usullarini takomillashtirish.
• Nafas yo‘llaridagi yot jismlarni diagnostika qilish va davolash usullarini takomillashtirish.
• Chaqaloqlarda o‘tkir gematogen epifizar osteomiyelitni jarrohlik yo‘li bilan davolashni takomillashtirish.
• Bolalarda operatsiyalardan keyin qorin bo‘shlig‘ida bitishmalar hosil bo‘lishining oldini olish va ularni davolash usullarini takomillashtirish.
• Bolalarda varikotsele davolashning turli usullarini qiyosiy baholash.
• Bolalarda gipospadiyani jarrohlik yo‘li bilan davolash natijalarini yaxshilash.
• Chaqaloqlarda orqa miya churrasini diagnostika qilish va jarrohlik davolash usullarini takomillashtirish.
• Bolalarda urologik kasalliklarni davolashda yangi texnologik usullarni qo‘llash.

  Ilmiy-tadqiqot bazasi

  Bugungi kunda kafedraning ilmiy izlanishlari Samarqand davlat tibbiyot universiteti Ixtisoslashgan bolalar xirurgik klinikasi bazasida joylashgan ko‘p tarmoqli ilmiy-tadqiqot laboratoriyasida olib borilmoqda.

  Mazkur laboratoriya klinik, biokimyoviy, bakteriologik, immunologik, morfologik va eksperimental bo‘limlardan tashkil topgan bo‘lib, kompleks ilmiy tadqiqotlarni amalga oshirish uchun zarur sharoitlarni ta’minlaydi.

  Nashriyot va ilmiy faoliyat natijalari Hisobot davrida kafedra xodimlari tomonidan 1 ta darslik, 2 ta o‘quv qo‘llanma va 8 ta monografiya nashr etilgan. Ularning tarkibida Rossiya Federatsiyasining “GEOTAR-Media” nashriyotida chop etilgan 1 ta monografiya ham mavjud.

  Nashriyot va ilmiy faoliyat natijalari

  Hisobot davrida kafedra xodimlari tomonidan 1 ta darslik, 2 ta o‘quv qo‘llanma va 8 ta monografiya nashr etilgan. Ularning tarkibida Rossiya Federatsiyasining “GEOTAR-Media” nashriyotida chop etilgan 1 ta monografiya ham mavjud.

  Shuningdek, 2 ta o‘quv-uslubiy qo‘llanma va uslubiy ishlanma hamda 2 ta uslubiy ko‘rsatma tayyorlanib, nashr etilgan.

  Ilmiy ishlanmalar natijasida 1 ta ixtiro uchun patent va 14 ta EHM dasturi uchun guvohnoma olingan.

  Hisobot davrida kafedra xodimlari MDH davlatlarining yetakchi tibbiyot oliy ta’lim muassasalari hamda ilmiy-tadqiqot institutlari bilan hamkorlikda bolalar xirurgiyasining dolzarb muammolariga bag‘ishlangan 12 ta xalqaro ilmiy vebinar tashkil etib, o‘tkazdilar.

  Kafedrada faoliyat yuritayotgan professor-o‘qituvchilar tomonidan ilmiy-tadqiqot ishlarining dastlabki natijalari asosida jami 155 ta ilmiy maqola nashr etilgan. Shundan:

• 13 ta maqola Scopus ma’lumotlar bazasida indekslangan ilmiy jurnallarda;
• 107 ta maqola xorijiy ilmiy jurnallarda;
• 35 ta maqola respublika ilmiy jurnallarida chop etilgan.

  Bundan tashqari, ilmiy tadqiqot natijalari 44 ta xorijiy va 38 ta respublika ilmiy-amaliy konferensiyalari to‘plamlarida tezislar ko‘rinishida e’lon qilingan.

  Kafedra xodimlari xalqaro va respublika miqyosidagi ilmiy-amaliy konferensiyalar, kongresslar, seminarlar va boshqa ilmiy tadbirlarda muntazam ishtirok etib, o‘z ilmiy ishlari natijalarini taqdim etib kelmoqda. Ularning ilmiy faoliyati sertifikatlar, diplomlar va boshqa e’tirof hujjatlari bilan taqdirlangan.

  Kafedraning ilmiy-tadqiqot faoliyati zamonaviy diagnostika va davolash usullarini ishlab chiqish, ularni klinik amaliyotga joriy etish, bolalarga ko‘rsatiladigan ixtisoslashtirilgan jarrohlik yordami sifatini oshirish hamda ilmiy-pedagogik kadrlar tayyorlashga xizmat qilmoqda.