Kafedra mudiri: Yuldashev Soatboy Jiyanboevich tibbiyot fanlari nomzodi, dotsent
Dotsent Yuldashev Soatboy Jiyanboevich 1994- yilda Samarqand Davlat Tibbiyot Institutining davolash fakultetini tamomlagach,yuqumli kasalliklar kafedrasida 1994-1996-yillar klinik ordinaturani tamomlagan. 1996-yildan 2000-yilgacha ushbu kafedrada assistent bo'lib ishlagan. 2000-2008- yillarda esa ushbu kafedrada katta o'qituvchi bo'lib faoliyat olib borgan. 2006-yilda esa “Paranitrofenilglioksil kislotasi tiosemikarbazonining yallig'lanishga qarshi ta'sirini o'rganish” mavzusida nomzodlik dissertatsiyasini muvaffaqiyatli himoya qildi. 2008- yildan hozirgi kungacha farmakologiya kafedrasini boshqarib kelmoqda. Nufuzli “Journal NX-А, RESEARCH FOCUS” va “ The NEW UZBEKISTAN JOURNAL of MEDICINE “ jurnallari tahririyatinig a’zosi. 300 dan ortiq ilmiy ishlari nufuzli xorijiy va Respublika jurnallarida chop qilingan. Shu jumladan 2 ta darslik , 5 ta o’quv qo’llanma va 3 ta monografiya muallifidir.
Uning rahbarligi ostida farmakologiya fanidan ko'plab ma'ruzalar o'zbek (kirill va lotin) va rus tillarida nashr etilgan. Kafedraning texnik bazasini saqlash va oshirish bo'yicha sezilarli ishlarni olib bormoqda.
S.J. Yuldashev talabalar o'rtasida ma'naviy-ma'rifiy ishlarni olib boradi, hurmat va obro'ga ega. "Yoshlar ittifoqi" institut boshlang'ich tashkiloti yetakchisi bo'lib ishlagan. 1998-yildan 2020- yilgacha pediatriya fakulteti dekani muovini lavozimida ishlagan. Ilmiy kengash a'zosi, kengashlarda ma'ruzalar qiladi. U bir necha bor institut ma'muriyati, shahar va viloyat hokimliklari tomonidan mukofotlarga sazovor bo'lgan, shuningdek, “O'zbekiston Respublikasi mustaqilligining 15 yilligi”esdalik nishoni bilan mukofatlangan. S.J. Yuldashev 2022-yilda o’tkazilgan “Eng yaxshi ilmiy tadqiqodchi” xalqaro ilmiy maqolalar tanlovida “Eng yaxshi ilmiy tadqiqodchi’unvoniga sazovor bo’lgan hamda MDX davlatlari oliy o’quv yurtlari o’qituvchilari o’rtasida o’tkazilgan“Лучший педагог-2023’’ tanlovida xam g’olib chiqib “Лучший педагог-2023’’ ko’krak nishoniga sazovor bo’lgan. Shuningdek u kishi boshchiligida kafedraning talabalar ilmiy jamiyatida faol qatnashib kelayotgan talabalar oxirgi yillarda xalqaro fan olimpiadalari va xalqaro ilmiy-amaliy anjumanlarda ham qator sovrinli o’rinlarni egallab kelishmoqdalar.
Samarqand tibbiyot institutida farmakologiya fanidan dars berish birinchi marta 1932 -yilda professor I.V. Troitskiy tomonidan boshlangan.
1935- yilda kafedrani 10 yil boshqargan N.K. Klemparskiy farmakologiya kafedrasi mudiri lavozimiga tayinlandi. Bu davrda kafedra mudiri N.K. Klemparskiy va assistant Zolotuxinaga tegishli bir nechta jurnal maqolalari yozildi.
1942- yilda Harbiy tibbiyot akademiyasi Leningraddan Samarqandga evakuatsiya qilindi va professor V.M.Karasik farmakologiya kafedrasining mudiri bo'ldi, ammo tez orada uning o'rnini G.A. Mednikyan egalladi.
Farmakologiya kafedrasiga rahbarlik qilgan davrda professor V.M. Karasik va G.A. Mednikyan kafedraning o'quv, ayniqsa ilmiy-tadqiqot ishlarini jonlantirdilar.
Harbiy tibbiyot akademiyasi (1944- yil) qayta reevakuatsiya qilingandan so'ng, N.K. Klemparskiy yana farmakologiya kafedrasi mudiri lavozimiga tayinlandi.
1945-1946-o'quv yilida farmakologiya kafedrasi mudiri lavozimini o’rindoshlik asosida patofiziologiya kafedrasi mudiri, dotsent X.R. Farxadi boshqardi.
1946-yilning bahorida farmakologiya kafedrasi mudiri lavozimiga tanlov asosida dotsent I.E. Akopov saylandi va u 1958- yilgacha kafedra mudiri lavozimida ishladi.
I.E. Akopov ishlagan davrda ilmiy-tadqiqot ishlarida va fan nomzodlarini tayyorlashda sezilarli jonlanish kuzatildi. 1949- yildan 1958- yilgacha farmakologiya kafedrasi xodimlari I.E.Akopov (I.E. Akopov, I.I. Ibragimov, M.M. Mansurov, E.A. Belyavskaya, F.A. Aslitdinov) rahbarligi ostida maxalliy o’simliklardan olinadigan dorivor moddalarning ta’sirini o’rganishga katta e’tibor berildi. U kishi rahbarligida yangi preparat Afillin xlorgidrati ajratib olinadi va uning mahalliy anesteziyalovchi xususiyati bo’yicha novakainga tengligi isbotlanadi.
1958- yildan 1962- yilgacha kafedraga dotsent S.M. Tregubov raxbarlik qiladi. Tibbiyot fanlari nomzodi, dotsent . Astraxan DTI bitiruvchisi 33 ta ilmiy va o'quv uslubiy tavsiyalar va maqolalar muallifi.
1962- yildan 1968- yilning martigacha kafedrani V.A.Konovalova boshqargan davrda kafedra xodimlari 2 ta “Mahalliy o'simlik materiallaridan yangi gemostatik va antikoagulyant vositalarni qidirish” va “Quinolizidin alkaloidlarining farmakologik tadqiqoti yonalishida” ilmiy-tadqiqot ishlarini olib boradilar.
1968- yil 1- apreldan boshlab 1993-yilgacha farmakologiya kafedrasi mudirligi lavozimida dotsent M.Mansurov faoliyat olib borgan. 1968- yildan 1993- yilgacha 85 ta maqola nashr qilindi va nashrga qabul qilindi, 5 ta nomzodlik dissertatsiyasi va bitta doktorlik dissertatsiyasi himoya qilindi. Ularning barchasi Oliy Attestatsiya Komissiyasi tomonidan tasdiqlangan.
1993-95 va 1997-99- yillarda professor Ibadova D.N. farmakologiya kursi bilan birgalikda klinik farmakologiya kafedrasini boshqardi.
D.N. Ibodova 1975 yilda nomzodlik dissertatsiyasini himoya qilgan va 1976-1977- yillarda farmakologiya kafedrasida assistent bo'lib ishlagan. 1986- yilda doktorlik dissertatsiyasini himoya qildi va 1987- yilda professor unvoniga sazovor bo'ldi.
1995 – 1997, 1999-2001va 2003-2004- yillarda kafedrani dotsent Xusanov SH.X. boshqargan. Sh. X., Xusanov 1974- yilda farmakologiya kafedrasiga assistent sifatida ishga qabul qilindi. O'sha yili u nomzodlik dissertatsiyasini himoya qildi, 1 ta monografiya, 2 ta mualliflik guvohnomasi va 35 ta ilmiy va o'quv uslubiy tavsiyalar va maqolalar muallifi.
2001-2003- yillar Qarshiev D.N. farmakologiya kafedrasi mudiri etib tayinlandi.
Qarshiev D.N. 1988–90 yillarda ToshDTI farmakologiya kafedrasida katta laborant bo'lib ishlagan.
1990-1991-yillar va 1994–1996-yillar SamDTIning farmakologiya kafedrasida assistent bo'lib ishlagan.
1991–1994-yillar esa 1-ToshDTIning farmakologiya kafedrasida aspiranturani o'tagan.
D.N. Qarshiev 1994- yilda nomzodlik, 2000- yilda doktorlik dissertatsiyasini himoya qilgan.
1996 – 1999- yillar SamDTIning farmakologiya kafedrasida doktoranturani o'tagan. 100 dan ortiq ilmiy ishlar muallifidir.
2004-2008- o'quv yillari farmakologiya kafedrasini dotsent Xusanov Sh.X. boshqargan.
2008- yildan – farmakologiya kafedrasiga (2011-2012-yillar bioanorganik ,bioorganik, biologik kimyo va farmakologiya kafedrasi mudiri; 2017-2020-yillar farmakologiya va klinik farmakologiya kafedrasi mudiri) tibbiyot fanlari nomzodi, dotsent Yuldashev S.J. rahbarlik qilib kelmoqda.
Assistent Azimova Xosiyat Saloxitdinovna
1967-yilda u Samarqand Davlat tibbiyot institutining davolash fakultetini imtiyozli diplom bilan tugatgan.
1967-yildan 1969-yilgacha u farmakologiya kafedrasining stajer-tadqiqotchisi bo'lgan. 1969- yildan 1992- yilgacha ushbu kafedrada assistent bo'lib ishlagan. 1992-yildan 2015-yilgacha katta o'qituvchi bolib ishlagan. 2015-2020-yillar esa assistent bolib faoliyat yuritdi.
X.S.Azimova – tajribali o'qituvchi, MDHning markaziy shaharlarida va Toshkent shahrida malaka oshirish kurslarida qatnashgan.
58 ta ilmiy ishlar, shu jumladan o'quv-uslubiy ishlar va tavsiyalar muallifi.
Institut kasaba uyushmasi qo'mitasi tomonidan diplomlar bilan taqdirlangan.
Ko'p yillar davomida X.S.Azimova kafedrada ma'naviy-ma'rifiy ishlarni olib bordi. Xozirgi kunda nafaqada.
Assistent Gafurova Saida Gafurovna
1970- yilda Samarqand Davlat tibbiyot institutining pediatriya fakultetini tamomlagan. 1970- yildan 1972- yilgacha kafedrada stajer-tadqiqotshi bo'lib ishlagan. 1972- yildan 1993- yilgacha ushbu kafedra assistenti bo'lib ishlagan. 1993- yildan 2015-yilgasha katta o'qituvchi bolib ishlagan. 2015-2020-yillar esa assistent bolib faoliyat yuritdi.
S.G. Gafurova - tajribali o'qituvchi, bir necha bor MDHning markaziy shaharlari va Toshkentda malaka oshirish kurslarida qatnashgan. 50 dan ortiq ilmiy ishlar muallifi. Uning rahbarligi ostida ma'ruza materiallari taqdimoti, testlar, imtihon uchun retseptlar va oraliq nazoratlar yaratildi.
Bir necha bor institutning kasaba uyushmasi qo'mitasi diplomlari bilan taqdirlangan.S.G. Gafurova kafedra o'quv ishlariga ma’sul shaxs sifatida faoliyat olib brogan. Xozirgi kunda nafaqada.
Assistent Jo'rayeva Xayriniso Xodjiyevna
1970- yilda Samarqand Davlat tibbiyot institutining pediatriya fakultetini tamomlagan. 1970- yildan 1972- yilgacha u stajer-tadqiqotshi bo'lib ishlagan. 1972- yildan 1993- yilgacha ushbu kafedra assistenti bo'lib ishlagan. 1993- yildan 2015-yilgasha katta o'qituvchi bolib ishlagan. 2015-2017-yillar esa assistent bolib faoliyat yuritdi.
X.X. Jo’rayeva - tajribali o'qituvchi, bir necha bor MDHning markaziy shaharlari va Toshkentda malaka oshirish kurslarida qatnashgan. 50 dan ortiq ilmiy ishlar muallifi. Bir necha bor institutning kasaba uyushmasi qo'mitasi diplomlari bilan taqdirlangan. X.X. Jo’rayeva kafedrada kasaba uyushmasi ishlari uchun ma’sul edilar. Xozirgi kunda nafaqada
Assistent Axmedova Gulchehra Abdullaevna
2014-yilda Samarqand Davlat tibbiyot institutining tibbiy pedagogika fakultetini tamomlagan. 2014-yildan 2017- yilgacha SamDTI ning 2-ichki kasalliklar kafedrasida magistraturada o'qigan. 2017- yil sentyabr oyidan boshlab u assistent sifatida ishga qabul qilindi. 2018-2019- oquv yillari kafedrada ma'naviy-ma'rifiy ishlar uchun javobgar bo`lgan. U 19 ta maqolaning muallifi va hammuallifi, shulardan 4 tasi xorij matbuotida nashr etilgan.Xozirgi kunda 1- ishki kasalliklar kafedrasida faoliyat yuritmoqda.
