Samarqand tibbiyot universitetida tahsil olayotgan yoshlar faqat dars bilan band emas! "Dolzarb 90 kun" loyihasi doirasida 1-son davolash ishi fakulteti talabalari uchun unutilmas madaniy tadbir tashkil etildi. Talabalarning bo‘sh vaqtini yanada mazmunli o‘tkazish maqsadida, ular "Sharq yulduzi" kinoteatriga taklif qilindi va barcha birgalikda milliy film tomosha qildi.

  Ushbu tadbir talabalarning bilim olish jarayonidan tashqari, ijtimoiy hayotini boyitishga va ularning o‘zaro do‘stligini mustahkamlashga qaratilgan muhim qadam bo‘ldi. Kinoteatrda namoyish etilgan film yoshlarda katta taassurot qoldirdi. Ayniqsa, bunday norasmiy muhitda birga vaqt o‘tkazish talabalarni bir-biriga yanada yaqinlashtirib, ijobiy muhit yaratdi.

  Bunday amaliy tadbirlar orqali talabalar nafaqat ilm olish, balki madaniyat va san'at bilan ham yaqindan tanishish imkoniyatiga ega bo‘lishmoqda. Universitet kelajakda ham talabalarning har tomonlama rivojlanishiga xizmat qiladigan bunday tadbirlarni ko‘paytirishni rejalashtirgan.