Top.Mail.Ru
×
Menu
  • O'zbekiston Respublikasining Davlat Bayrog'i
  • O'zbekiston Respublikasining Davlat Gerbi
Close Menu

​SamDTUda Medical English (Embryology) boʻyicha tanlov boʻlib oʻtdi

  Bugungi kunda ingliz tilining jahon tiliga aylanganligi hech kimga sir emas. Xususan, barcha sohalarda boʻlgani kabi tibbiyot sohasida ham ingliz tilining ahamiyati yuqori hisoblanadi. Buni eng muhim va katta tibbiy adabiyotlar ingliz tilida chop etilib, dunyoga tarqalishi bilan izohlash mumkin. Shu boisdan taʼlim tizimimizda ingliz tilini oʻrgatishga katta eʼtibor qaratilmoqda.

  Samarqand davlat tibbiyot universitetida ham talabalar ingliz tilini puxta egallashlari uchun barcha imkoniyatlar yaratilgan. Xususan, universitetda “Medical park” talabalarga bepul treninglar tashkil etib, ingliz tilini oʻqitib kelmoqda.

  26-aprel kuni SamDTU katta majlislar zalida universitet talabalari va @Med_Radix qatnashuvchilari oʻrtasida tanlov boʻlib oʻtdi. MED_RADIX tomonidan oʻtkazilgan tanlovda jami 8 ta jamoa 3 ta shart boʻyicha raqobatlashdi. Yakuniy natijalarga koʻra “Sunt FELIX” jamoasi 1-oʻrinni qoʻlga kiritdi.

  Barcha gʻolib va sovrindorlarga diplomlar va sertifikatlar topshirildi. Tashkil etilayotgan bunday tadbirlar va keng imkoniyatlar boʻlajak tibbiyot mutaxassislarining yetuk malakali hamda jahondagi yetakchi mutaxassislar bilan gaplasha oladigan boʻlib yetishishlariga zamin yaratadi.





SamDTU matbuot xizmati