Kafedrada 6 – kurs pediatriya, 5 – kurs tibbiy-pedagogika, davolash ishi va MD fakulteti talabalari «Klinik farmakologiya» fani dasturi asosida, farmatsiya fakulteti talabalari «Klinik farmatsiya va farmakokinetika asoslari» fani dasturi asosida taxsil olishadi.
Ta'lim jarayonining asosiy maqsadi - bu oliy ma'lumotli yuqori malakali kadrlar tayyorlash va jahon ta'lim tizimiga qo'shilishdir. Amaliy mashg'ulotlar, ma'ruzalar, talabalar bilimini nazorat qilish tavsiyalar asosida amalga oshiriladi, ularning asosiy qoidalari SamMU Markaziy uslubiy kengashi tomonidan tasdiqlanadi.
Oʻqitish har bir kurs va fakultet uchun quyidagi tasdiqlangan hujjatlar bo’yicha olib boriladi:
– Davlat ta’lim standarti;
– Malaka talablari;
– Oʻquv reja;
– Ishchi oʻquv reja;
– Oʻquv dasturi;
– Oʻquv ishchi dastur;
– Zamonaviy ta’lim texnologiyalari (grafik organayzerlar, keys texnologiya va proekt usuli).
Klinik farmakologiya kafedrasida olib boriladigan o'quv ishlari quyidagi ta'lim shakllarini o'z ichiga oladi: amaliy mashg'ulotlar, multimediyali ma'ruzalar, talabalarning mustaqil ishlariga topshiriqlar va amaliy mashg'ulotlarda tahlil qilish uchun topshiriqlar, oraliq va yakuniy nazorat.
Klinik farmakologiya bo'yicha amaliy mashg'ulotlarda talabalarning mustaqil va o'quv-tadqiqot ishlariga katta e'tibor beriladi - bemorlar kurasiya qilinadi, terapiya samaradorligi va xavfsizligi baholanadi.
Barcha fakultet talabalari uchun ma'ruzalar o'zbek va rus tillaridagi multimediya bilan olib boriladi. Talaba ma'ruza materiallari va ularning taqdimoti bilan mt.sammi.uz elektron ta'lim tizimida tanishishi mumkin, bu ma'ruza materialini o'zlashtirish darajasini sezilarli darajada oshirishi mumkin.
Bundan tashqari MD talabalari uchun assistentlar tomonidan darslar va ma`ruzalar to`liq ingliz tilida olib boriladi.
O’qitish jarayonida interaktiv doska, zamonaviy Pentium kompyuterlari, proektor kabi texnik ta’minotlar mavjud, ular yordamida mavzuga oid videofilmlar, prezentatsiyalar, multimediya dasturlari, ma’ruza va amaliy mashg’ulotlar namoyish etiladi.
Ulashish
