Joriy yilning 2-mart kuni Samarqand davlat tibbiyot universiteti rektori Jasur Rizayev universitet mablagʻlari hisobidan bunyod etilgan, xorijlik talabalar uchun moʻljallangan talabalar turar joyi bilan tanishdi.

     Tashrif davomida turar joy xonalari va undagi sharoitlar oʻrganilib, talabalar bilan ochiq muloqot oʻtkazildi.

     Aniqlangan kamchiliklar yuzasidan masʼullarga kerakli topshiriq va tavsiyalar berildi.

     Maʼlumot oʻrnida aytish mumkinki, universitet mablagʻlari hisobidan barpo etilgan yangi talabalar turar joyi 500 oʻringa moʻljallangan boʻlib, unda xorijlik talabalar uchun barcha zarur sharoitlar yaratilgan.

SamDTU Matbuot xizmati