Samarqand davlat tibbiyot universitetida tahsil olayotgan talabalarning darslardan bo‘sh vaqtlarini mazmunli tashkil etish hamda ularning ilm-fanga bo‘lgan qiziqishlarini yanada oshirish maqsadida fakultetlarda bir qator tadbirlar va musobaqalar o‘tkazilib kelinadi.
Jumladan, joriy yilning 25-aprel kuni “Ma’rifat ulashib” loyihasi doirasida joriy yilning Stomatologiya fakulteti tashabbusi bilan Yoshlar Ittifoqi fakultet koordinatori hamkorligida Samarqand Davlat tibbiyot universiteti 3-sonli Talabalar turar joyida "Zakovat" intellektual o‘yini hamda talabalar uchun ehson oshi tashkil etildi.
"Zakovat" intellektual o‘yinida 20 ta jamoa ishtirok etib, o‘yin Bring ring tarzida olib borildi. Finalda 1 chi o‘rinni egallagan "Team Invictus" jamoasi 500 000 so‘m pul mukofoti bilan, 2 chi o‘rinni egallagan ’Anklav" jamoasi esa 300 000 so‘m pul mukofoti bilan hamda 2 ta jamoadan 1 nafardan ishtirokchi "Eng bilimdon yigit" va "Eng bilimdon qiz" nominatsiyasi bo‘yicha ham 100 000 so‘mdan pul mukofoti bilan taqdirlandilar.
SamDTU matbuot xizmati
