Bugun Samarqand davlat tibbiyot universitetining katta majlislar zalida rektor professor Jasur Rizayevni talaba-yoshlar uchun “Muvaffaqiyat: unga qanday erishish kerak” mavzusida amaliy maʼruzasi boʻlib oʻtdi.

  Hayotda qanday qilib muvaffaqiyatga erishish mumkinligiga bagʻishlangan maʼruzada, Jasur Alimanovich oʻzini hayot yoʻli va mehnat faoliyati haqida gapirib, rahbar lavozimga erishish bu nafaqat sharaf va omad, balkim mavjud qiyinchiliklarni masʼuliyat bilan yengish va jamoa uchun javobgar boʻlish toʻgʻrisida hayotiy misollar orqali talaba-yoshlarga soʻzlab berdi. Universitet rektori oliy taʼlim dargohida oʻqishdan maqsad shunchaki bitirish emas, balkim oʻz kasbini oliy darajali egasi boʻlish orqali el-yurtiga mustahkam oʻrin egallash va hurmatga sazovor boʻlish, har qanday vaziyatda oʻziga ishonish va tinimsiz mehnat qilish lozimligini taʼkidladi.

  Suhbat yakunida savol-javobgarlar qismini ijtimoiy tarmoqlar orqali amalga oshirish boʻyicha kelishib olindi.

  Rektorni talaba-yoshlar bilan uchrashuvi va samimiy muloqoti barcha ishtirokchilarga chuqur taassurot qoldirdi.

SamDTU matbuot xizmati