12-aprel kuni Samarqand davlat tibbiyot universiteti yangi oʻquv binosini faollar zalida Samarqand davlat tibbiyot universiteti hamda Samarqand veterinariya meditsinasi instituti bitiruvchilarini Samarqand viloyati Urgut tumani hokimi va sektor rahbarlari bilan uchrashuvi oʻtkazildi.

  Bitiruvchi talabalar bilan uchrashuvni SamDTU rektori Jasur Rizayev ochib berdi va oliygohda oxirgi yillarda taʼlim sifatini oshirish, ilm-fanni amaliyot bilan chambarchas bogʻlash borasida qilinayotgan ishlar, davlatimiz rahbari tomonidan tibbiyotni isloh etish haqidagi farmon va qarorlarning ijrosi, bitiruvchilar uchun joylarda yaratilayotgan imkoniyatlar va qulayliklar haqida aytib oʻtdi. Urgut tumani hokimi Botir Jabborov, tuman prokurori Shuxrat Xolmurzayev, tuman IIB boshligʻi Zoxid Mamadaliyev, tuman DSI boshligʻi Obid Suvonov mavjud boʻsh ish oʻrinlari, joylarda yosh mutaxassislar uchun yaratiladigan shart-sharoitlar, moddiy ragʻbatlantirish imkoniyatlari va boshqa qulayliklar haqida batafsil tushuntirishlar berishdi. Oʻz Ona yurtiga va xalqiga xizmat qilish, ogʻirini yengil qilish hamma zamonlarda yuksak sharaf boʻlgan, deb taʼkidladilar uchrashuvni barcha ishtirokchilari.

  Samimiy muloqot va savol-javoblardan soʻng, bitiruvchilar oʻzlarini sohalari boʻyicha tumandagi boʻsh ish oʻrinlariga taklif qilindilar.

SamDTU matbuot xizmati