Top.Mail.Ru
×
Menu
  • O'zbekiston Respublikasining Davlat Bayrog'i
  • O'zbekiston Respublikasining Davlat Gerbi
Close Menu

Xalqaro hamkorlik

    Samarqand davlat tibbiyot universiteti hozirgi kunga qadar 60dan ortiq davlat va xalqaro tashkilotlar, chet el universitetlari va ilmiy tadqiqot markazlari bilan ta’lim va fan yo’nalishlarida xalqaro hamkorlik aloqalarini yo’lga qo’ygan.

  Yildan yilga chet el davlatlaridan o’qish istagidagi yoshlar va ilmiy anjumanlarda qatnashish maqsadida tashrif buyurayotgan professor, talaba va tadqiqotchilarning soni ortib bormoqda.

  SamDTUning “Farmatsiya” fakulteti “Farmakagnoziya va farmatsevtik texnologiyalar” kafedrasi ham xalqaro hamkorlik aloqalarini o’rnatishda salmoqli ishlarni amalga oshirmoqda.

  Kafedraning tashkil etilganiga 1 yil bo’lishiga qaramay, shu qisqa vaqt ichida kafedra mudiri va xodimlarning sa’y harakatlari tufayli bir nechta davlatlar bilan hamkorlik aloqalari o’rnatildi.

  Akademik mobillik dasturi doirasida tajriba almashinish hamda ma’ruza va amaliy mashg’ulotlar o’tkazish maqsadida 2021-yil 25-30-oktyabr kunlari SamDTU xodimlari Rossiya Federatsiyasining Privoljsk tadqiqot tibbiyot universitetiga borishdi. Tashrif chog’idakafedra mudiri, tibbiyot fanlari bo’yicha falsafa doktori N. D. Kodirov universitetning 3-4-5-kurslariga ma’ruzalar o’qidi va amaliy mashg’ulotlar o’tdi

  2022- yilning 18-20-may kunlari Rossiya Federatsiyasining PTTU xodimlari tajriba almashish maqsadida SamDTUga kelishdi. Tashrif chog’ida PTTU “Farmatsevtik kimyo va farmakagnoziya” kafedrasi mudiri, dotsent Jukova O.V hamda dotsent Vorobyova O.A “Farmatsiya” fakulteti 3-kurs talabalariga kalendar-tematik reja bo’yicha o’quv-amaliy mashg’ulotlarni olib bordi. Shu bilan birga ‘’Tarkibida alkoloidlar saqlovchi dorivor o’simiklar” mavzusida vebinar o’tkazildi.

  Joriy yilning 4-11-iyun kunlari Qozog’iston Respublikasidagi S.D. Asfendiyorov nomidagi Qozoq milliy tibbiyot universitetiga borgan SamDTU xodimlari qatorida kafedra assistenti E.S.Baymurovdov ham talabalarga ma’ruzalar o’qidi va amaliy mashg’ulotlar o’tdi.