Top.Mail.Ru
×
Menu
  • O'zbekiston Respublikasining Davlat Bayrog'i
  • O'zbekiston Respublikasining Davlat Gerbi
  • O'zbekiston Respublikasining Davlat Madhiyasi
  • Sayt xaritasi
  • Mobil ko'rinishi
  • Zoom text
Close Menu

​Akademik litseyda “Rektor stipendiyasi” sohiblari eʼtirof etildi

  Oʻzbekiston Respublikasi Prezidentining 2020-yil 3-dekabrdagi “Iqtidorli yoshlarni saralab olish va akademik litseylar faoliyatini takomillashtirish chora-tadbirlari toʻgʻrisida”gi PQ-4910-sonli Qarori boʻyicha Samarqand davlat tibbiyot instituti rektorining yoʻl xaritasida belgilangan vazifalarning bajarilishi yuzasidan institut qoshidagi Akademik litseyda oʻqishi davomida tengdoshlari orasida oʻzining iqtidori va faol yaratuvchanligi, izlanuvchanligi hamda fanlarni aʼlo baholarga oʻzlashtirishi bilan namuna boʻlgan oʻquvchi-yoshlar saralandi va ular 2021-2022 oʻquv yili uchun “Rektor stipendiyasi”ni qoʻlga kiritdilar.

  Oʻquvchilarni taqdirlash bayram tadbirida akademik litsey maʼmuriyati, institut xotin-qizlar maslahat kengashi raisi G.I.Xudoyberdiyeva, “Xorijiy tillar” kafedrasi professor-oʻqituvchilari, ota-onalar qatnashdilar. Tadbirda dastlab Gavhar Ismailovna soʻzga chiqib, kirib kelayotgan yangi yilda va yangi oʻquv yilida barcha oʻquvchi-talabalarga omad tiladi. Tadbirning asosiy qismida “Rektor stipendiyasi” gʻoliblariga institut rektori tomonidan taʼsis etilgan maxsus sertifikatlar tantanali ravishda topshirildi. Soʻzga chiqqan oʻquvchilarni ota-onalari institut rahbariyati va shaxsan rektorga oʻzlarini iliq minnatdorchiliklarini bildirdilar.

  Tadbirni keyingi qismi koʻngilochar dasturlar bilan davom etildi. Akademik litsey musiqa toʻgaragi rahbari Alisher Abdufattoyev va ingliz tili toʻgaragi rahbari Iroda Egamqulovalar tomonidan oʻquvchilar bilan birgalikda tayyorlangan badiiy chiqishlar, sahna koʻrinishlari, ashula va raqslar yigʻilganlarga namoyish etildi.





SamDTI matbuot xizmati