Birinchi o‘qish kuni “Mustaqillik darsi” bilan boshlandi

  Bugun 6 - sentabr kuni Samarqand davlat tibbiyot institutining barcha kafedralarida professor – oʻquvchilari tomonidan mamlakatimiz mustaqilligining 30 yilligi munosabati bilan, “Mustaqillik darsi” tadbirlari boʻlib oʻtmoqda. Talabalarga Mustaqillik buyuk neʼmat ekanligi, uning zamirida erkin va farovon hayot, tinchlik va osoyishtalik mujassamligi, har bir xalq va millat oʻz erki va ozodligi uchun matonat ila kurashib yashashi katta sharaf ekanligi borasidagi maʼruzalar oʻqildi .

  Ayniqsa, keyingi 5 yil davomida Yangi Oʻzbekistonda olib borilayotgan tub islohotlar mohiyati, uchinchi renessans poydevorini yaratish boʻyicha qoʻyilayotgan qadamlar mohiyati, yoshlarga yaratib berilayotgan keng imkoniyatlar haqida talaba-yoshlarga hayotiy misollar bilan maʼlumotlar berildi.

SamDTI Matbuot xizmati