Samarqand davlat tibbiyot universiteti 2026-2027-o'quv yilining 1-semestri uchun iqtidorli talabalarni qo'llab-quvvatlash maqsadida "MEROS PHARM" stipendiyasiga tanlov e'lon qiladi.

Nomzodlarga qo'yiladigan talablar: Tanlovda faqat bitiruvchi va bitiruvchidan oldingi kurs talabalari, magistr hamda klinik-ordinatorlar ishtirok etishi mumkin. Nomzodlar quyidagi mezonlarga mos kelishi talab etiladi:

• Ilmiy izlanishlar olib borayotganligi va yutuqlarga erishganligi;
• Tibbiyot sohasida innovatsion loyihalar ustida ishlayotganligi;
• O‘rtacha o‘zlashtirish ko‘rsatkichi (GPA) 85% va undan yuqori ekanligi;
• Jamoat ishlarida faol ishtirok etayotganligi;
• Farmatsevtika sohasiga qiziqishi borligi hamda shu yo‘nalishdagi stajirovka yoki loyihalarda qatnashganligi.

Kerakli hujjatlar:

1. Talaba ma’lumotnomasi.
2. Pasport nusxasi.
3. Reyting daftarchasi nusxasi (dekan tomonidan tasdiqlangan holda).
4. Fakultet dekani hamda kafedra to‘garak rahbari tavsiyanomalari.
5. Erishgan barcha yutuqlarini tasdiqlovchi hujjatlar nusxasi.

Qabul muddati: Hujjatlar 2026-yilning 20-oktabr sanasiga qadar qabul qilinadi.

Eslatma: Joriy semestrda Rektor stipendiyasiga nomzodini taqdim etgan talabalar mazkur tanlovda qatnasha olmaydi.