Kafedrada dotsent, tibbiyot fanlari doktori F.G. Ulmasov rahbarligida Talabalar ilmiy tadqiqot to‘garagi va Malaka oshirish maktabi samarali faoliyat yuritmoqda. So‘nggi ikki yil davomida 5-6-kurslarning 3 nafar talabasi SamDTUning 80-sonli «Fundamental, amaliy tibbiyot va farmatsiya yutuqlari» respublika ilmiy-amaliy anjumanida tezislar bilan ishtirok etishgan va ma’ruzalar qilishgan. Bundan tashqari, talabalar universitetning 76, 77-sonli ilmiy-amaliy konferensiyalarida va «Samarqand-2020» V Xalqaro studentlar olimpiadasida qatnashib, ilmiy to‘garaklar o‘rtasida yugori o‘rinlarni egallaganligi qayd etiladi.
Shuni alohida ta'kidlash kerakki, o‘tgan yillar davomida 2 nafar magistratura rezidenti o‘zlarining rejalashtirilgan ilmiy ishlarini muvaffaqiyatli yakunlagan. Ularning aksariyati turli onkologiya muassasalarida ishga joylashib, magistratura davrida boshlangan ilmiy izlanishlarini davom ettirmoqda. Hozirgi paytda kafedrada yana 7 nafar magistratura rezidenti ta’lim olib, o‘zlarining nomzodlik dissertatsion ishlari doirasida ilmiy tadqiqotlar olib bormoqda.
2025-2026 yillarda kafedraning ilmiy-tadqiqot ishlarining asosiy yo‘nalishlari quyidagilardan iborat bo‘ladi: MDH davlatlari universitetlarini o‘z ichiga olgan xalqaro hamkorlikni kengaytirish; yuqori impakt-faktorli xalqaro jurnallarda ilmiy maqolalar nashr ettirish; respublikaning yetakchi oliy ta’lim muassasalari va xalqaro forumlarda ma’ruzalar bilan chiqish; shuningdek, talabalar va yosh olimlarning ilmiy-tadqiqot faoliyatini yanada rivojlantirish.
Ulashish
