Samarqand davlat tibbiyot universiteti yosh olimlar, magistrlar va klinik ordinatorlarni yetakchi xorijiy ilmiy-ta’lim muassasalarida ilmiy stajirovka o‘tash uchun tanlovda ishtirok etishga taklif etadi.

📅 Hujjatlarni topshirish muddati: 2026-yil 25-oktabrga qadar

📑 Taqdim etiladigan hujjatlar ro'yxati:

• Ariza (SamDTU rektori nomiga);
• Nomzodning ma’lumotnomasi (obyektivka);
• Pasport yoki ID-karta nusxasi;
• Diplom nusxasi (bakalavr, magistratura diplomi yoki ilmiy daraja/unvonni tasdiqlovchi hujjat);
• 3×4 o‘lchamdagi rangli fotosurat (2 dona);
• Qabul xati (Xorijiy ta’lim muassasasidan Invitation Letter – agar mavjud bo‘lsa);
• Tavsiyanoma (fakultet dekani va kafedra mudiridan);
• Ilmiy ishlar ro‘yxati (Scopus, xalqaro hamda respublika OAK ro'yxatidagi jurnallarda chop etilgan maqolalar);
• Konferensiya materiallari (respublika va xalqaro konferensiyalardagi ma’ruzalar ro‘yxati);
• Til sertifikati (IELTS, TOEFL, TestDaF va boshqalar);
• Yutuqlarni tasdiqlovchi hujjatlar (grantlardagi ishtirok, Prezident stipendiyasi va b.);
• Xorijiy muassasa haqida ma’lumot (qabul qiluvchi universitet va bo‘lim haqida qisqacha ma'lumot);
• Ilmiy stajirovka rejasi (mavzu, maqsad, vazifalar va kutilayotgan natijalar batafsil yoritilgan holda).

📌 Eslatma: Hujjatlar belgilangan muddatda to‘liq va tartibli ravishda taqdim etilishi qat'iy talab qilinadi.

🎓 Imkoniyatni qo‘ldan boy bermang! Ilmiy salohiyatingizni yuksaltirish, xorijiy tajriba orttirish va xalqaro hamkorlikni kengaytirish maqsadida ushbu tanlovda faol ishtirok eting!