Yoshlarni media va axborot savodxonligi, sun’iy intellekt, raqamli xavfsizlik hamda noto‘g‘ri ma’lumotlarga qarshi kurashish sohalarida amaliy yechimlarni ishlab chiqishga jalb etish maqsadida YUNESKO tomonidan “O‘z hissangizni qo‘shing: yoshlar media va axborot savodxonligi kelajagini loyihalashtirmoqda” mavzusida Yoshlar xakatoni (Youth Hackathon 2026) o‘tkazilishi e’lon qilingan.

- Shartlarga ko‘ra tanlovda 2 nafardan 6 nafargacha ishtirokchidan iborat milliy va xalqaro jamoalar qatnashishi mumkin.

- Tanlov ishtirokchilarning yoshi 18-30 yoshgacha bo‘lishi lozim.

- Tanlovda milliy hamda xalqaro jamoalarning ishtirok etishiga ruxsat
beriladi.

  Tanlov materiallari YUNESKOning elektron platformasi ( https://tally.so/r/MePkYk ) orqali 2026-yil 6-iyuldan 16-avgustgacha qabul qilinadi.

  G‘oliblar o‘z loyihalarini 2026-yil 26–28-noyabr kunlari Saloniki shahrida (Gretsiya) bo‘lib o‘tadigan “Ovozlar: Yevropa jurnalistikasi va OAV erkinligi” mavzusidagi xalqaro festivalda taqdim etadi!