Samarqand davlat tibbiyot universiteti 2025–2026 o‘quv yili 2-semestri uchun “MEROS FARM” stipendiyasiga hujjatlar qabul qilinishi boshlanganini e’lon qiladi.

  Tanlovda quyidagi talabalarning ishtirok etish huquqi mavjud:

• Ilmiy izlanishlar olib borayotgan va muayyan yutuqlarga erishgan talabalar;
• Tibbiyot sohasida innovatsion loyihalar ustida ishlayotgan talabalar;
• O‘rtacha o‘zlashtirish ko‘rsatkichi (GPA) 85% va undan yuqori bo‘lgan talabalar;
• Jamoat ishlarida faol ishtirok etayotgan talabalar;
• Farmatsevtika sohasiga qiziqishi bo‘lgan hamda ushbu yo‘nalishda stajirovka yoki loyihalarda qatnashgan talabalar.

  Tanlovda ishtirok etish uchun taqdim etiladigan hujjatlar:

1. Talaba ma’lumotnomasi
2. Pasport nusxasi
3. Reyting daftarchasi nusxasi (dekan tomonidan tasdiqlangan holda)
4. Fakultet dekani tavsiyanomasi
5. Kafedra to‘garak rahbari tavsiyanomasi
6. Erishilgan yutuqlar ro‘yxati (3.4-shakl)
7. Ilmiy salohiyatni tasdiqlovchi hujjatlar
   (ilmiy anjumanlar, maqolalar, tezislar, olimpiadalardagi ishtirok)
8. Xalqaro til sertifikati (mavjud bo‘lsa)
9. Ko‘rik-tanlov va sportdagi yutuqlarni tasdiqlovchi hujjatlar

  Hujjatlar qabul qilish muddati: 2026-yil 25-fevralga qadar

  Eslatma:

• 2025–2026 o‘quv yilining 2-semestrida Rektor stipendiyasiga nomzod sifatida taqdim etilgan talabalar “MEROS FARM” stipendiyasi tanlovida ishtirok eta olmaydi.
  
  Barcha hujjatlarning yig‘ma jildi Iqtidorli talabalarning ilmiy-tadqiqot faoliyatini tashkil etish bo‘limiga topshiriladi.