Sog‘liqni saqlash vazirligiga JICA (Yaponiya xalqaro hamkorlik agentligi)dan yuborilgan xatga ko‘ra, Tokio fanlar institutida “Tibbiy xizmatlar umumiy qamrovi” bo‘yicha 2 yillik magistratura dasturiga hujjat qabul qilinmoqda.

  Dastur haqida:

• O‘qish muddati: 2 yil (2026-yildan boshlanadi)
• Barcha xarajatlar (aviabilet, stipendiya, o‘qish) JICA tomonidan to‘liq qoplanadi

  Kimlar qatnasha oladi?

• Tibbiyot sohasida ishlayotgan xodimlar
• Talablar va kerakli hujjatlar ro‘yxati ilovada keltirilgan

JICA uzoq muddatli ishtirokchilar uchun bilimlarni birgalikda yaratish dasturi (JICA taraqqiyot tadqiqotlari dasturi).pdf

 Nomzodlar quyidagi talablarga javob berishlari lozim:

1. Oliy tibbiy ma’lumotga (bakalavr yoki magistr darajasi) ega bo‘lish;

2. 2026-yil 1-aprel holatiga ko‘ra 40 yoshdan oshmaganlik;

3. Ingliz tilini yuqori darajada bilish, TOEFL (iBT 80 dan kam bo'lmasli) yoki IELTS (6.5 dan kam bo'lmasligi) sertifikatiga ega bo‘lish;

4. O‘zbekiston Respublikasi fuqarosi bo‘lish. 

  Shuningdek, har bir nomzod quyidagi hujjatlarni taqdim etishi shart:

1. Rasmiy ariza shakli; (1-ilovaga qarang)

2. Tadqiqot rejasi; (1-ilovaga qarang)

3. Karyera rejasi; (1-ilovaga qarang)

4. Ariza shakli; (2-ilovaga qarang)

5. Maqsad va vazifalar bayoni; (2-ilovaga qarang)

6. Tavsiyanomalar; (2-ilovaga qarang)

7. Akademik ma’lumotnoma (transkript);

8. Oliy ma’lumot to‘g‘risidagi diplomning ingliz tiliga qilingan rasmiy tarjimasi bilan nusxasi;

9. Ingliz tili bilimi darajasini tasdiqlovchi sertifikat (TOEFL yoki IELTS) nusxasi; 

10. Rasmdor pasport nusxasi;

11. Anketaga 2 ta fotosurat (4x3 sm) (asl nusxa va nusxa);

12. Ish beruvchining yo‘llanma xati.

  Yuqorida ko‘rsatilgan hujjatlarning to‘liq to‘plamini JICA dasturlari koordinatori Xoshanova Nigoraga joriy yilning 25-avgustdan kechiktirmay khoshanova-nigora@jica.go.jp elektron pochta manziliga (tel: 78 1200566/67) yuborishingizni so‘raymiz.

  2025-yil sentyabr oyida taqdim etilgan hujjatlarni ko‘rib chiqish va shu asosda keyinchalik suhbat hamda universitetning tegishli imtihonlarini topshirish uchun nomzodlarning qisqartirilgan ro‘yxatini tuzish rejalashtirilmoqda (taxminan oktyabr-noyabr oylari).