Avstriyaning Klagenfurt universiteti axborot-kommunikatsiya texnologiyalari mutaxassisliklarida magistratura bosqichi uchun taʼlim grantlari ajratilganini eʼlon qiladi.

Oʻqish 2024/2025-oʻquv yili (oktyabr oyi)dan boshlanadi.

Mazkur grantlarga nomzodlar Avstriya taʼlim va xalqarolashtirish agentligi (“OeAD”) va Klagenfurt universiteti tomonidan ochiq tanlov asosida tanlab olinadi.

Talabgorlar hujjatlarini 2024 yil 4-fevralga qadar xorij tomoniga onlayn shaklda topshirishlari lozim. Qoʻshimcha hujjatlar topshirish talab etilmaydi. Eʼlon qilingan grantlar dasturi va uning doirasidagi taʼlim va tadqiqot yoʻnalishlari toʻgʻrisida qoʻshimcha maʼlumotni www.grants.at saytidan olishingiz mumkin.