Kattaqo‘rg‘on Davlat Pedagogika institutida Samarqand davlat tibbiyot universiteti vakillari hamda mahalla raislari, yoshlar yetakchilari, nuroniylar, imom-xatiblar ishtirokida seminar o‘tkazildi. Tadbirni shahar hokimi Gavhar Alimova ochib berdi.

  Seminar davomida O‘zbekiston Respublikasi Prezidenti Sh.Mirziyoyevning Oliy Majlis va O‘zbekiston xalqiga Murojaatnomasi hamda "O‘zbekiston -2030" strategiyasida belgilab berilgan ustuvor vazifalarning mazmun-mohiyati yuzasidan tushuntirishlar berildi.

  Shuningdek, so‘zga chiqqanlar mahallalarda targ‘ibot tadbirlarini o‘tkazish,  muddatli harbiy xizmatda yoshlar uchun imkoniyatlar, yoshlarni vatanparvarlik ruhida tarbiyalash borasidagi ishlar haqida so‘z yuritdilar.

  Ishtirokchilar tomonidan berilgan savollarga batafsil javoblar berildi.

SamDTU Matbuot xizmati