Joriy yilning 29-noyabr kuni Samarqand davlat tibbiyot universiteti 1-son Davolash fakulteti dekani G.U.Lutfullayev va SamDTU YIBT tashabbusi bilan 1-dekabr - OITSga qarshi kurashish kuni munosabati bilan targ‘ibot tadbiri o‘tkazildi.

  Samarqand viloyati OITS(Orttirilgan immunitet tanqisligi sindromi)ga qarshi kurashish markazi mutaxassislari ishtirokida o‘tgan tadbirda talabalarga kasallik va uning belgilari, yuqish va kechish jarayonlari, shuningdek, OITS va OIV profilaktikasi borasida kerakli ma’lumot va tavsiyalar berildi.  Tadbir davomida talabalar yuzaga kelgan savollarga atroflicha javob olish imkoniyatiga ega bo‘ldilar.

SamDTU Matbuot xizmati