Ayni kunlarda Samarqand viloyati qoʻgʻirchoq teatrida “Talabalar teatr studiyalari” respublika tanlovining viloyat bosqichi boʻlib oʻtmoqda.
Mazkur tanlovda Samarqand davlat tibbiyot universitetining “Ibn Sino izdoshlari” jamoasi “Bir jadid tarixi” nomli sahna koʻrinishi bilan ishtirok etdi. Namoyish etilgan spektakl mustabid tuzum davrida xalqimiz ziyolilarining milliy ozodlik ruhidagi faoliyatiga bagʻishlangan boʻlib, mahorat bilan ijro etilgan rollar yigʻilganlarga manzur boʻldi.
Yakuniy natijalarga koʻra SamDTU jamoasi “Talabalar teatr studiyalari” respublika tanlovining mintaqaviy bosqichiga yoʻllanmani qoʻlga kiritdi.
SamDTU matbuot xizmati
