SamDTI da “Ibn Sino ilmiy merosining zamonaviy tibbiyotdagi ahamiyati” nomli maʼnaviy-maʼrifiy tadbir boʻlib oʻtdi

  Yigʻilishni Samarqand davlat tibbiyot instituti yoshlar bilan ishlash, maʼnaviyat va maʼrifat boʻlim boshligʻi S.Halimov kirish soʻzi bilan ochib, Oʻzbekiston Respublikasi Vazirlar Mahkamasi huzuridagi Imom Buxoriy xalqaro ilmiy-tadqiqot markazi, Oʻzbekiston Respublikasi “Ibn Sino” fondi Surxondaryo viloyati filiali va Samarqand davlat tibbiyot instituti hamkorligida “Ibn Sino ilmiy merosining zamonaviy tibbiyotdagi ahamiyati” nomli maʼnaviy-maʼrifiy tadbirdan koʻzlangan maqsad yurtimizdan yetishib chiqqan ulugʻ mutafakkir va allomalarning boy merosi, ularning jahon sivilizatsiyasi, ilm-fan taraqqiyoti rivojiga qoʻshgan bebaho hissasini chuqur tadqiq etish va keng targʻib qilish borasida amalga oshirilayotgan ishlar haqida maʼlumotlar berildi.

  Tadbirda Imom Buxoriy xalqaro ilmiy-tadqiqot markazi boʻlim boshligʻi Tohir Evadullayev soʻzga chiqib, buyuk alloma Ibn Sino jahon fani tarixida qomusiy olim sifatida tan olinganligi va jahonda dong taratgan buyuk allomalardan boʻlganini taʼkidlab oʻtdi. Shuningdek yigʻilishda Imom Buxoriy xalqaro ilmiy-tadqiqot markazi katta ilmiy xodimi Bayozxon Maxmudov va SamDTI ijtimoiy gumanitar fanlar kafedrasi katta oʻqituvchisi Hamida Abdumajidova maʼruza qilib, Ibn Sino ilm-fan rivojidagi qoʻshgan hissasining yuksak mohiyati haqida gapirdilar.

  Yigʻilish soʻnggida tadbir ishtirokchilari va tashkilotchilari tomonidan yoshlar oʻrtasida maʼnaviy-maʼrifiy tadbirlarni oʻtkazishni davom ettirish toʻgʻrisida kelishib olindi.

SamDTI Matbuot xizmati